РАУС

У перыяд з 9 па 15 мая зарэгістравана супрацьпраўных учынкаў: крадзеж — 5, нанясенне цялесных пашкоджанняў — 1. Узбуджана 9 крымінальных спраў. Раскрыты 5 раней здзейсненых злачынстваў.

9 чысла ў асіпаўчанкі з двара дома па вул. Гарэліка знік веласіпед, днём пазней у пенсіянеркі з вул. Чкалава скралі газавую пліту коштам 3 млн рублёў.

11 мая ў жыхаркі в. Копча неўстаноўленай асобай праз выстаўленае аконнае шкло скрадзены тэлевізар “LG” коштам 4,5 млн рублёў, перад гэтым — медная засланка, ацэненая ў мільён.

Узбуджана крымінальная справа ў адносінах да раней судзімага 23-гадовага вяскоўца, які 1 мая каля 23.00 гадзін праз аконнае шкло з дачнага дома ў Карытным, што належыць мінчанцы, выкраў будаўнічы фен, 6 камп’ютарных дыскаў і іншыя рэчы на 2,15 млн рублёў.

У ходзе прафілактычнай акцыі “Дом без насілля”, што праходзіла з 18 па 30 красавіка, супрацоўнікамі міліцыі праведзена 26 выступленняў у працоўных калектывах і 3 — у вучэбных установах. Па месцы жыхарства наведана 109 грамадзян, якія ўзяты на ўлік у РАУС. 33 чалавекі былі запрошаны на пася-джэнні САПГП. Супраць аднаго ўзбуджана крымінальная справа.

ДАI

Спынена 72 парушэнні правіл руху. Прыцягнута да адказнасці 3 пешаходы і 2 п’яныя вадзіцелі, 36 чалавек — за перавышэнне хуткасці. Адбылося 4 ДТЗ з механічнымі і 1 — з цялеснымі пашкоджаннямі.

ДАI нагадвае: па 23 мая праходзіць абласная акцыя па папярэджванні ДТЗ з незахаваннем вадзіцелямі транспартных сродкаў хуткаснага рэжыму.

АУСТ

Зарэгістравана 19 правапарушэнняў. Складзена 68 адміністрацыйных пратаколаў. Суправоджана 108 цягнікоў, дзе затрымана 4 чалавекі. У спецізалятар дастаўлены 1 грамадзянін. Узбуджана крымінальная справа за незаконныя валютныя аперацыі. Спынены пошук 2 чалавек.

Дэпартамент аховы

Да адміністрацыйнай адказнасці прыцягнута 11 чалавек: 8 — за з’яўленне ў грамадскіх месцах у нецвярозым выглядзе, 2 — за дробныя крадзяжы, 1 — за дробнае хуліганства.

Спецізалятар

Дастаўлена 39 чалавек, з іх — 8 сямейных скандалістаў, 4 пенсіянеры, 6 жанчын, 26 непрацуючых.

РАНС

13 мая ў выніку кароткага замыкання электраправодкі ў гарадской кватэры па вул. Заслонава, якое прывяло да задымлення пакояў, загінула жанчына 1932 года нараджэння.

IАЖіРС

Складзена 6 пратаколаў за парушэнне правіл рыбалоўства: 5 — за незаконную здабычу рыбы, 1 — за знаходжанне з забароненымі сродкамі лоўлі паблізу вадаёмаў.