Хроніка здарэнняў

Супрацоўнікамі АДАІ РАУС на мінулым тыдні папярэджана 171 правапарушэнне. Адміністрацыйную адказнасць панеслі два вадзіцелі, што рухаліся на забараняючы сігнал святлафора, па адным — за парушэнне правіл праезду пешаходных пераходаў і абгону, восем парушальнікаў правіл перавозкі дзяцей у аўтатранспарце, 18 пешаходаў і веласіпедыстаў, два з якіх у стане алкагольнага ап’янення. Зарэгістравана пяць ДТЗ.

Увага! Па 24 сакавіка на тэрыторыі вобласці праходзіць дэкада бяспекі дарожнага руху, накіраваная на папярэджанне дзіцячага дарожна-транспартнага траўматызму, а таксама наездаў на ўразлівых удзельнікаў дарожнага руху; па 26 чысло — рэспубліканская прафілактычная акцыя “Рух па правілах!” у мэтах прафілактыкі ДТЗ з удзелам веласіпедыстаў і асоб, якія перасоўваюцца на сродках персанальнай мабільнасці.

Аддзелам Дэпартамента аховы выяўлена па адным чалавеку, што здзейсніў дробныя хуліганства і крадзеж, два — парушылі ПДР.

РАНС нагадвае: грамадзяне абавязаны ўтрымліваць у спраўным стане ўстаноўленыя ў жылых памяшканнях аўтаномныя пажарныя апавяшчальнікі, а таксама прылады вываду сігналу аб спрацоўванні на фасад будынка. Невыкананне патрабавання цягне за сабой адміністрацыйную адказнасць у адпаведнасці з ч. 7 арт. 24.36 КаАП краіны — накладанне штрафу ў памеры да пяці базавых велічынь.

Увага! 21 сакавіка будзе праводзіцца праверка сістэмы апавяшчэння. Магчыма ўключэнне гукавых сірэн і правядзенне sms-рассылкі. Просім захоўваць спакой, ніякіх дзеянняў рабіць не трэба.

ІАЖіРС складзены адміністрацыйныя пратаколы за парушэнне правіл рыбалоўства і захоўванне забароненых прылад лоўлі.