Супрацоўнікамі АДАІ РАУС на мінулым тыдні зарэгістравана 15 ДТЗ. Папярэджана 183 правапарушэнні, адміністрацыйную адказнасць панеслі чатыры парушальнікі правіл перавозкі дзяцей у аўтатранспарце; па адным вадзіцелі, што рухаліся на забараняючы сігнал святлафора ці парушылі правілы абгону; 29 пешаходаў і веласіпедыстаў, з якіх два ў нецвярозым стане.

Дзяржаўтаінспекцыя нагадвае: пры ўдзеле ў дарожным руху з  1 снежня па 1 сакавіка аўтамабілі з тэхнічна дапушчальнай агульнай масай да 3,5 тоны ўключна, легкавыя і грузапасажырскія аўтамабілі з тэхнічна дапушчальнай агульнай масай звыш 3,5 тоны, а таксама аўтобусы з тэхнічна дапушчальнай агульнай масай да 5 тон павінны быць абсталяваны зімовымі шынамі.

Аддзелам Дэпартамента аховы выяўлены два чалавекі, што здзейснілі дробнае хуліганства, адзін — знаходзіўся ў нецвярозым стане ў грамадскім месцы.

Па інфармацыі РАНС, 3 снежня пры пажары пашкоджаны дах, перакрыцце, сцены лазні на тэрыторыі садаводчага таварыства “Баравінка”.

МНС нагадвае: перакал печы — частая прычына пажару. А як ратавацца ад холаду? Усё проста: паліць печ некалькі разоў на дзень, але патроху. Магчыма, працаёмка, затое захаваеце не толькі цяпло, але і сваё жыллё.

ІАЖіРС складзены адміністрацыйны пратакол за парушэнне правіл лесакарыстання, пяць — палявання.