Супрацоўнікамі АДАІ РАУС з 11 па 17 верасня зафіксавана чатыры ДТЗ, папярэджана 185 правапарушэнняў. Адміністрацыйную адказнасць панеслі шэсць бяспраўнікаў; два нецвярозыя вадзіцелі; тры парушальнікі правіл перавозкі дзяцей у аўтатранспарце і адзін — руху праз чыгуначны пераезд; 18 пешаходаў і веласіпедыстаў, тры з якіх нецвярозыя.

Па 24 верасня праводзяцца мерапрыемствы, накіраваныя на прафілактыку дарожна-транспартнага траўматызму і павышэнне бяспекі пешаходаў і веласіпедыстаў. Аб фактах знаходжання на праезнай частцы ўдзельнікаў дарожнага руху, якія ствараюць пагрозу бяспецы, паведамляйце па тэлефоне 102.

Аддзелам Дэпартамента аховы выяўлена па адным парушальніку, што ў нецвярозым стане з’яўляўся ў грамадскім месцы ці здзейсніў дробнае хуліганства.

У РАНС паведамілі: 12 верасня з-за неасцярожнага абыходжання з агнём пры курэнні атрымаў апёкі 79-гадовы жыхар Градзянкі.

17 чысла ў выніку пажару знішчаны дах летняй кухні на вул. Дачнай у в. Галынка. Адна з магчымых версій — узгаранне пластыкавага вядра, у які патрапіла незатушанае вуголле.

МНС нагадвае: адна з найбольш распаўсюджаных прычын пажараў — неасцярожнае абыходжанне з агнём, у тым ліку пры курэнні. Катэгарычна забараняецца курыць у ложку, выкідваць непатушаныя цыгарэты, запалкі з аконных праёмаў, балконаў шматкватэрных жылых дамоў, у ствалы смеццеправодаў, смеццевыя кантэйнеры, бакі, скрыні на прыдамавой тэрыторыі.

ІАЖіРС складзены два адміністрацыйныя пратаколы за парушэнне правіл рыбалоўства, па адным — захоўванне забароненых прылад лоўлі і парушэнне правіл лесакарыстання.