Супрацоўнікамі АДАІ РАУС на мінулым тыдні папярэджана 166 правапарушэнняў. Адміністрацыйную адказнасць панеслі бяспраўнік; два нецвярозыя вадзіцелі і адзін, які не прадаставіў перавагу ў руху пешаходам; тры парушальнікі правіл пераезду чыгуначных пуцей, адзін — абгону, тры — перавозкі дзяцей у аўтатранспарце; 21 пешаход і веласіпедыст, адзін з якіх у стане алкагольнага ап’янення.

Зарэгістравана тры дарожна-транспартныя здарэнні. 10 чэрвеня на 13-м км аўтадарогі Асіповічы-Глуск-Азарычы 20-гадовы вадзіцель Mercedes-Benz на закругленні дарогі не справіўся з кіраваннем і з’ехаў у кювет. У выніку ДТЗ атрымала цялесныя пашкоджанні 17-гадовая пасажырка.

Дзяржаўтаінспекцыя з улікам актуальнасці праблемы парушэнняў заканадаўства вадзіцелямі мота-ўсюдыходаў (квадрацыклаў, квадрыцыклаў), звязаных з іх рухам па аўтамабільных дарогах, засеяных палях і іншых насаджэннях, рэкамендуе іх уладальнікам і вадзіцелям выконваць устаноўленыя правілы — парушальнікі будуць прыцягвацца да адказнасці ў адпаведнасці з дзеючым заканадаўствам. Аб фактах перамяшчэння такога транспарту па аўтадарогах агульнага карыстання, сельгасугоддзях супрацоўнікі ДАІ просяць паведамляць па тэлефоне 102.

Аддзелам Дэпартамента аховы выяўлены факты дробных хуліганства і крадзяжу; асоба, што знаходзілася ў нецвярозым выглядзе ў грамадскім месцы.

ІАЖіРС складзены два адміністрацыйныя пратаколы за парушэнне правіл рыбалоўства, па адным — лесакарыстання і захоўванне забароненых прылад лоўлі.