На мінулым тыдні супрацоўнікамі АДАІ РАУС зарэгістравана тры ДТЗ; папярэджана 169 правапарушэнняў. Да адказнасці прыцягнуты тры бяспраўнікі; 22 пешаходы і веласіпедысты; сем вадзіцеляў, што парушылі правілы перавозкі дзяцей у аўтатранспарце, чатыры — абгону, адзін — пераезду чыгункі. 

Дзяржаўтаінспекцыя інфармуе: пешаходу забараняецца перасоўвацца на сродках персанальнай мабільнасці, перавозячы пры гэтым іншых асоб па-за спецыяльна абсталяваных месцаў для сядзення, прадугледжаных канструкцыяй СПМ.

Аддзелам Дэпартамента аховы выяўлена па два чалавекі, што здзейснілі дробныя крадзяжы, з’яўляліся ў нецвярозым стане ў грамадскіх месцах ці парушылі правілы дарожнага руху.

Супрацоўнікі РАНС нагадваюць: у гаражах не дапускаецца захоўваць балоны з гаручым газам ці з-пад яго, за выключэннем балонаў у газабалоннай устаноўцы транспартнага сродку; праводзіць уборку памяшканняў з ужываннем лёгкаўзгаральных і гаручых вадкасцей; запраўляць транспартныя сродкі аўтамабільнымі бензінамі, дызельным палівам, газай, гаручымі газамі; зараджаць акумулятарныя батарэі непасрэдна на транспартных сродках; усталёўваць і эксплуатаваць нецеплаёмістыя печы.

ІАЖіРС складзены адміністрацыйны пратакол за парушэнне правіл рыбалоўства.