Супрацоўнікамі АДАІ РАУС папярэджана 193 правапарушэнні. Затрыманы вадзіцель у нецвярозым стане, сем — парушылі правілы перавозкі дзяцей; 18 выпадкаў невыканання правіл дарожнага руху дапусцілі ўразлівыя ўдзельнікі (веласіпедысты і пешаходы).

Зарэгістравана пяць дарожна-транспартных здарэнняў. Адно з іх з лятальным канцом. 22 жніўня ў 21.39 на 113-м кіламетры аўтамагістралі Мінск-Гомель пешаход вырашыў перасекчы трасу і папаў пад колы аўтамабіля.

Аддзелам Дэпартамента аховы выяўлены па два выпадкі дробнага хуліганства і дробнага крадзяжу. Затрыманы сямейны скандаліст і грамадзянін у стане алкагольнага ап’янення. Раскрыты грабеж.

Па інфармацыі РАНС, з 22 па 27 жніўня на тэрыторыі раёна зарэгістраваны пажар. Узгаранне адбылося ў прыбудове аднаго з дамоў на вул. Савецкай у райцэнтры. Пашкоджаны перакрыцце, сцены і маёмасць памяшканняў. Пацярпелых няма.

Нагадваем: тлумачце дзіцяці алгарытм дзеянняў пры пажары, паказвайце магчымыя выхады для эвакуацыі, навучыце не панікаваць, не хавацца ў выпадку пажару. Не даручайце дзецям сачыць за печамі, газавымі плітамі, электрапрыборамі. Кантралюйце іх вольны час.

ІАЖіРС паведаміла, што на мінулым тыдні зафіксавана два парушэнні правіл лоўлі рыбы, па адным — захоўвання рыбалоўных сетак і правіл палявання.