Супрацоўнікамі АДАІ РАУС за тыдзень папярэджана 195 правапарушэнняў. Зарэгістравана два дарожна-транспартныя здарэнні. Былі затрыманы два вадзіцелі ў нецвярозым стане, тры — без пасведчанняў, сем парушылі правілы перавозкі дзяцей. Парушэнне адбылося і на чыгуначным пераездзе. 24 выпадкі невыканання правіл дарожнага руху дапусцілі ўразлівыя ўдзельнікі (веласіпедысты і пешаходы).

АДАІ нагадвае: не варта садзіцца за руль моцна стомленаму чалавеку. Так, вадзіцель аднаго аўтамабіля вёў машыну ў стане знясілення і не справіўся з кіраваннем. Транспартны сродак перавярнуўся. Пасажырка, якая сядзела за вадзіцелем і не была прышпілена рамянём бяспекі, атрымала цялесныя пашко-джанні.

Па інфармацыі РАНС, з 31 ліпеня па 6 жніўня на тэрыторыі раёна зарэгістраваны пажар.

РАНС папярэджвае: дзіцячыя свавольствы з агнём — адна з частых прычын пажараў у час канікулаў. Каб пазбегнуць негатыўных наступстваў, захоўвайце запалкі і запальніцы ў недаступных месцах, не дазваляйце дзецям самастойна карыстацца газавымі і электрапрыборамі. Вывучыце з малымі дамашні адрас і нумары тэлефонаў экстранных службаў, каб пры неабходнасці яны маглі туды звярнуцца па дапамогу.

ІАЖіРС паведамляе, што на мінулым тыдні зафіксаваны два парушэнні правіл лесакарыстання (перавозкі драўніны).