Хроніка здарэнняў

Супрацоўнікамі АДАІ РАУС на мінулым тыдні зарэгістравана два ДТЗ. Папярэджана 185 правапарушэнняў, да адказнасці прыцягнуты нецвярозы вадзіцель, шэсць парушальнікаў правілаў перавозкі дзяцей у аўтатранспарце, шэсць “бяспраўнікаў”, 36 пешаходаў і веласіпедыстаў, шэсць з якіх былі нецвярозымі.

У кастрычніку-снежні на месцах, прызначаных для паркоўкі транспартных сродкаў інвалідаў, спынена 14 парушэнняў.

Аддзелам Дэпартамента аховы за з’яўленне ў нецвярозым выглядзе ў грамадскіх месцах прыцягнута да адказнасці тры чалавекі, здзяйсненне дробных крадзяжоў і хуліганства — тры і адзін адпаведна.

У РАНС паведамілі: 25 чысла ў выніку пажару пацярпела прыватная лазня на вул. Першамайскай у райцэнтры, наступным днём — жылы дом на вул. Савецкай у Татарцы, дзе полымем знішчана частка даху, перакрыцця і маёмасці.

Памятайце: нават у самыя халодныя дні трэба даваць печцы перадыхнуць. Паліце яе два-тры разы на дзень, не больш за паўтары гадзіны — гэта дазволіць пазбегнуць перакалу.

ІАЖіРС складзены адміністрацыйны пратакол за незаконнае захоўванне сетак, распачаты адміністрацыйны працэс па такім жа факце.