Хроника происшествий. Осиповичи
Хроніка здарэнняў
РАУС з 15 па 23 кастрычніка праводзіць прафілактычныя мерапрыемствы, накіраваныя на папярэджанне злачынстваў у сельскай мясцовасці, у тым ліку здзяйсняемых у сферы сямейна-бытавых адносін і пад уздзеяннем алкаголю.
Супрацоўнікамі АДАІ на мінулым тыдні папярэджана 198 правапарушэнняў, да адказнасці прыцягнуты 3 нецвярозыя вадзіцелі, 9 “бяспраўнікаў”, 33 пешаходы і веласіпедысты. Зарэгістравана 6 дарожна-транспартных здарэнняў.
Аддзелам Дэпартамента аховы раскрыты крадзеж, да адміністрацыйнай адказнасці прыцягнуты сямейны скандаліст, 4 чалавекі, што здзейснілі дробны крадзеж, 2 — з’яўляліся нецвярозымі ў грамадскіх месцах.
РАНС нагадвае ўладальнікам жылля з пячным ацяпленнем: будзьце ўважлівыя пры топцы пячэй; у выпадку ўзнікнення пажару тэлефануйце па нумарах 101 ці 112!
ІАЖіРС складзены адміністрацыйныя пратаколы за парушэнне правілаў рыбалоўства і незаконны вываз драўніны.
