Хроніка здарэнняў

Супрацоўнікамі АДАІ РАУС на мінулым тыдні папярэджана 141 правапарушэнне, адміністрацыйную адказнасць панеслі 2 “бяспраўнікі”, парушальнік правілаў абгону і 24 пешаходы і веласіпедысты. У месцах массавага адпачынку выяўлена 2 правапарушэнні.

3 ліпеня каля 16 гадзін на пад’язной аўтадарозе да садовага таварыства “Меліяратар” 43-гадовы жыхар Мінска страціў кантроль над кіраваннем Nissan, у выніку чаго аўтамабіль з’ехаў у правы па ходзе руху кювет і сутыкнуўся з прыдарожным дрэвам. У аварыі пацярпелі сам вадзіцель і тры пасажыры: жанчыны 44-х і 67-мі гадоў і 11-гадовае дзіця. Усе шпіталізаваны. У лютым бягучага года вадзіцель быў пазбаўлены права кіравання за паездку ў нецвярозым стане; папярэдне, і на гэты раз ён знаходзіўся ў стане алкагольнага ап’янення. РАСК па факце ДТЗ праводзіцца праверка.

Аддзелам Дэпартамента аховы да адказнасці прыцягнуты 3 сямейныя скандалісты і па адной асобе за здзяйсненне дробнага крадзежу ці з’яўленне ў нецвярозым стане ў грамадскіх месцах.

Па матэрыялах ІАЖіРС узбуджана крымінальная справа па факце забруджвання ракі Ботчы, якая працякае каля в. Вязычын; складзены адміністрацыйныя пратаколы за захоўванне рыбалоўных сетак і парушэнне правілаў рыбалоўства.