Хроніка здарэнняў

Супрацоўнікамі АДАІ РАУС на мінулым тыдні папярэджана 148 правапарушэнняў, адміністрацыйную адказнасць панеслі 5 нецвярозых вадзіцеляў і 7 “бяспраўнікаў”, 17 пешаходаў і веласіпедыстаў, 4 вадзіцелі, што парушылі правілы перавозкі дзяцей у аўтатранспарце. Зарэгістравана 2 ДТЗ.

Увага! Па 30 красавіка Дзяржаўта-інспекцыя праводзіць рэспубліканскую прафілактычную акцыю “Мотарух — без парушэнняў!” у мэтах папярэджання дарожных трагедый з удзелам мотатранспарту, прапаганды бяспекі дарожнага руху пры эксплуатацыі матацыклаў і мапедаў, фарміравання ўзаемаветлівых адносін паміж удзельнікамі дарожнага руху.

Аддзелам Дэпартамента аховы да адказнасці прыцягнуты грамадзянін, што знаходзіўся ў нецвярозым стане ў грамадскім месцы, па 2 чалавекі, якія здзейснілі дробныя крадзяжы ці  хуліганства.

У РАНС паведамілі: 24 красавіка пры пажары прыватнага дома на вул. Голанта ў райцэнтры загінуў мужчына 1967 г.н.

ІАЖіРС складзена пяць адміністрацыйных пратаколаў па фактах парушэння правіл лесакарыстання.