Хроніка здарэнняў

АДАІ РАУС зарэгістравана 5 дарожна-транспартных здарэнняў; папярэджана 166 правапарушэнняў, пакарана 13 пешаходаў і веласіпедыстаў, 4 “бяспраўнікі”, 3 нецвярозыя вадзіцелі і аўтааматар, які парушыў правілы абгону.

Аддзелам Дэпартамента аховы да адміністрацыйнай адказнасці прыцягнуты 3 чалавекі, якія здзейснілі дробныя крадзяжы, і па адным за дробнае хуліганства і з’яўленне ў нецвярозым выглядзе ў грамадскіх месцах.

У РАНС паведамілі: 17 красавіка паступіла паведамленне аб абрушэнні на чалавека пліт перакрыцця ў закінутым будынку на вул. Сташкевіча. З-пад жалезабетоннай пліты ратавальнікі выцягнулі пацярпелага 2003 г.н. і перадалі яго работнікам хуткай медыцын-скай дапамогі.

ІАЖіРС складзены 4 адміністрацыйныя пратаколы за парушэнне правілаў рыбалоўства, па адным — па фактах захоўвання сетак і забруджвання ракі Свіслач.