Хроніка здарэнняў

На мінулым тыдні супрацоўнікамі АДАІ РАУС папярэджана 137 правапарушэнняў, пакарана 14 веласіпедыстаў і пешаходаў, 2 “бяспраўнікі”, 3 нецвярозыя вадзіцелі, 1 парушальнік правіл абгону і 5 — перавозкі дзяцей у аўтатранспарце. Зарэгістравана 5 ДТЗ.

17 сакавіка каля 8 гадзін раніцы на 3 км а/д Асіповічы-Дараганава вадзіцель “Лады” не справіўся з кіраваннем, выехаў на паласу сустрэчнага руху, у выніку чаго аўтамабіль сутыкнуўся са школьным аўтобусам ПАЗ. Пасажыр “Лады” ад атрыманых цялесных пашкоджанняў памёр на месцы здарэння, вадзіцель і яшчэ два пасажыры шпіталізаваны.

19 чысла каля 8.00 на вул. Каралёва вадзіцель “Мерсэдэса” не справілася з кіраваннем, праз бардзюр з’ехала на зялёную зону па ходзе руху і наехала на дрэва. Дзяўчына шпіталізавана.

Увага! Напярэдадні школьных канікул па 26 сакавіка праходзіць тыдзень дзіцячай бяспекі ў мэтах папярэджання ДТЗ з удзелам дзяцей. Паважаныя дарослыя, штодня нагадвайце дзецям пра строгае захаванне правіл бяспечных паводзін на вуліцах і дарогах!

Дэпартаментам аховы канфіскавана з нелегальнага абароту алкагольная прадукцыя, да адміністрацыйнай адказнасці прыцягнуты 2 чалавекі, якія здзейснілі дробныя крадзяжы, 1 — за з’яўленне ў нецвярозым выглядзе ў грамадскім месцы.

ІАЖіРС складзены адміністрацыйны пратакол за незаконную парубку, 6 — незаконнае захоўванне сетак, патронаў і стрэльбаў.