Хроніка здарэнняў

Супрацоўнікамі АДАІ РАУС з 25 па 31 студзеня выяўлена 165 парушэнняў ПДР. Прыцягнута да адказнасці 11 парушальнікаў правілаў перавозкі дзяцей , 7 “бяспраўнікаў”, 3 вадзіцелі ў нецвярозым стане, 15 пешаходаў і веласіпедыстаў.

Зарэгістравана 5 дарожна-транспартных здарэнняў, у тым ліку адно з нанясеннем цяжкіх цялесных пашкоджанняў. Каля 7 гадзін раніцы 25 студзеня аўтамабіль “Форд” здзейсніў наезд на пешахода, які ішоў па праезнай частцы вул. Праекціруемай у спадарожным кірунку. Пацярпелы шпіталізаваны ў ЦРБ.

Аддзелам Дэпартамента аховы перасечана 7 выпадкаў дробных крадзяжоў і 3 парушэнні правілаў дарожнага руху.

У РАНС паведамілі: 30 студзеня ў аг. Дрычын загарэлася дача. Пашкоджаны дах, столь і маёмасць у жылым памяшканні. Прычына ўзгарання вызначаецца.

ІАЖіРС складзены пратакол за парушэнне правілаў палявання. Факт карыстання незарэгістраванай зброяй выяўлены ў наваколлі в. Залессе — на мяжы з Бабруйскім раёнам.