Хроніка здарэнняў

Супрацоўнікамі АДАІ РАУС на мінулым тыдні папярэджана  92 правапарушэнні, адміністрацыйную адказнасць панеслі 2 нецвярозыя вадзіцелі; 6 парушальнікаў правіл перавозкі дзяцей;  7 “бяспраўнікаў”, з якіх 2 паўторна на працягу года; 23 пешаходы і веласіпедысты, 2 з якіх былі “пад мухай”. Зарэгістравана 8 ДТЗ.

Увага! У сувязі са скарачэннем працягласці светлавога дня значна павялічваецца верагоднасць наезду на пешаходаў, веласіпедыстаў і возчыкаў коннага транспарту, якія не абазначылі сябе святлоадбівальнымі элементамі. Дзяржаўтаінспекцыя заклікае пры з’яўленні на праезнай частцы дарог у цёмны час сутак уразлівых удзельнікаў руху без флікераў або ў стане алкагольнага ап’янення паведамляць пра гэта па тэл. 102. Магчыма, менавіта ваш званок дапаможа па-збегнуць трагедыі.

Аддзелам Дэпартамента аховы да адказнасці прыцягнуты 4 грамадзяніны, якія здзейснілі дробныя крадзяжы, па адным, што знаходзіліся ў нецвярозым стане ў грамадскіх месцах ці вінаватыя ў іншых правапарушэннях.

Па паведамленні РАНС, 9 кастрычніка ў аг. Краснае ў выніку пажару знішчана 35 м2 даху піларамы і прыбудовы; 10 чысла загарэлася сцэна ў гарадскім парку па вул. Юбілейнай — пашкоджана 2 м2 полікарбанату і ўнутранае абсталяванне электрашчыта.

ІАЖіРС складзена 5 адміністрацыйных пратаколаў за парушэнне правілаў рыбалоўства, па 1 — палявання і лесакарыстання.