РАУС

У перыяд з 7 па 13 сакавіка паступіла 5 паведамленняў аб крадзяжах маёмасці, па адным — аб пашкоджанні невядомымі лакафарбавага пакрыцця аўтамабіля і пагрозе нажом. У сувязі з выяўленнем месцазнаходжання спынены вышук двух раней знікнуўшых без вестак грамадзян. Вечарам 8 сакавіка ў ЦРБ дастаўлена нецвярозая непрацуючая жанчына, якую збіў муж. У в/г Цэль знойдзены труп без бачных прыкмет гвалтоўнай смерці.

РАСК

Распачата 11 крымінальных спраў, тры з якіх — па фактах крадзяжоў з дачных домікаў.

У лясным масіве паблізу в. Пабокавічы неўстаноўленая асоба незаконна здабыла лася вагой каля  400 кг, прычыніўшы шкоду навакольнаму асяроддзю на суму 63 млн рублёў.

9 сакавіка ўзбуджана справа супраць навучэнца прафесійна-тэхнічнага каледжа, які 19 лютага на  вул. Iнтэрнацыянальнай з хуліганскіх меркаванняў збіў навучэнца той жа ўстановы адукацыі.

Непрацуючы раней судзімы асіпаўчанін з 14 лістапада 2015 па 23 лютага 2016 года сістэматычна збіваў сужыцельку. 11 сакавіка пракурорам раёна ў дачыненні 49-гадовага мужчыны распачата крымінальная справа.

ДАI

Папярэджана 107 парушэнняў правілаў дарожнага руху. Прыцягнуты да адказнасці 15 пешаходаў, 3 нецвярозыя вадзіцелі, 45 парушальнікаў хуткаснага рэжыму. Адбылося 4 ДТЗ з матэрыяльным уронам.

Увага! Па 20 сакавіка праходзіць Тыдзень дзіцячай бяспекі, накіраваны на папярэджанне дзіцячага дарожна-транспартнага траўматызму.

АУСТ

Узбуджана 3 крымінальныя справы, складзена 50 адміністрацыйных пратаколаў і 20 матэрыялаў аб здарэннях, суправоджана 82 цягнікі, з якіх знята 5 правапарушальнікаў.

Увага! “Прамая лінія” з начальнікам АУСТ Сяргеем Рогалем адбудзецца 17 сакавіка з 11 да 13 гадзін па тэл. 6-25-46.

Дэпартамент аховы

Да адміністрацыйнай адказнасці прыцягнута 30 чалавек, у тым ліку 8 парушальнікаў ПДР, 14 грамадзян, якія знаходзіліся ў грамадскіх месцах у нецвярозым стане, 4 асобы, што здзейснілі дробнае хуліганства.

Спецізалятар

Размешчана 57 чалавек, у іх ліку 10 жанчын, 9 сямейных скандалістаў, 2 іншагароднія, 3 пенсіянеры і 4 грамадзяніны, што здзейснілі хуліганства.

IАЖіРС

2 адміністрацыйныя пратаколы складзена за парушэнне правілаў лесакарыстання, 1 — рыбалоўства.