РАУС

У перыяд з 1 па 7 лютага канфіскавана 30 літраў брагі, знойдзены трупы без бачных прыкмет гвалтоўнай смерці. У ходзе агляду дома па вул. Някрасава супрацоўнікамі АНіСГЛ канфіскавана здробненае рэчыва расліннага паходжання, якое належыць непрацуючай двойчы судзімай жанчыне. 2 і 5 лютага ў ЦРБ па дапамогу звярталіся жыхаркі райцэнтра, цялесныя пашкоджанні якім нанеслі муж і сужыцель, 3 лютага ў райаддзел паступіла заява ад жанчыны, якую таксама збіў муж.

РАСК

Распачата 12 крымінальных спраў.

З 25 снежня два беспрацоўныя жыхары Чэрвеньшчыны здзейснілі на тэрыторыі нашага раёна 8 крадзяжоў з аўтамабіляў, гаражоў і дамоў. Частка выкрадзенага канфіскавана.

Узбуджана справа супраць раней не судзімага мужчыны, які ў зале суда даў заведама лжывыя паказанні з мэтай дапамагчы абвінавачанай.

ДАI

Папярэджана 93 факты парушэння правілаў дарожнага руху, да адказнасці прыцягнута 4 нецвярозыя вадзіцелі, 14 парушальнікаў хуткаснага рэжыму, 13 пешаходаў. Адбылося 8 ДТЗ.

6 лютага ў 7.30 паблізу ад в. Цэль вадзіцель аўтамабіля “Iвека” праявіў няўважлівасць, сутыкнуўся з трактарам і ў выніку атрымаў цялесныя пашкоджанні, быў шпіталізаваны.

Увага! Па 13 лютага праводзяцца мерапрыемствы па папярэджанні ДТЗ з удзелам пешаходаў, веласіпедыстаў і іншых неабароненых удзельнікаў дарожнага руху.

АУСТ

Знойдзена 3 асобы, што знаходзіліся ў вышуку, зарэгістравана 19 здарэнняў, складзена 89 адміністрацыйных пратаколаў, суправоджана 50 цягнікоў, з якіх знята 2 правапарушальнікі.

Дэпартамент аховы

Да адміністрацыйнай адказнасці прыцягнута 19 чалавек, у тым ліку 2 сямейныя скандалісты, столькі ж парушальнікаў ПДР і 5 асоб, што перасоўваліся ў цемры без «флікераў». У грамадскіх месцах за паўторнае з’яўленне ў нецвярозым выглядзе затрымана 6, за распіццё алкаголю — 3 чалавекі.

Спецізалятар

Размешчана 50 чалавек, з іх 7 жанчын, 2 сямейныя скандалісты і 8 асоб, якія здзейснілі дробнае хуліганства.

IАЖіРС

2 адміністрацыйныя пратаколы складзены за парушэнне правілаў рыбалоўства, 1 — за незаконную вырубку.