РАУС

У перыяд з 18 па 24 студзеня знойдзена два трупы без прыкмет гвалтоўнай смерці.

РАСК

Узбуджана 18 крымінальных спраў, 5 з іх — па крадзяжах маёмасці.

7 спраў распачата ў дачыненні службовай асобы ЦРБ, якая з асабістай зацікаўленасці неаднаразова ўносіла лжывыя звесткі аб фіктыўным знаходжанні на стацыянарным лячэнні ў бальніцы ў лісткі непрацаздольнасці.

Чарговая справа па матэрыялах АБЭЗ узбуджана і супраць санітаркі тэрапеўтычнага аддзялення ЦРБ: 9 лютага 2015 года на падставе перадачы хабару яна падманным шляхам завалодала 120 доларамі ЗША, якія належалі работніку чыгункі.

22-гадовы асіпаўчанін з лістапада 2013 па красавік 2015 года размясціў на сайце сацсеткі відэафайлы, якія, па заключэнні экспертызы, з’яўляюцца парнаграфічнымі.

Непрацуючы мужчына скраў 30 метраў меднага кабелю коштам 3,7 млн рублёў з дачнага дома.

20 студзеня ўзбуджана справа ў дачыненні жыхара г. Бабруйска, які 22 мая паблізу в. Ясянец здабыў рачнога бабра. Сума прычыненай шкоды навакольнаму асяроддзю  — 7 млн рублёў.

ДАI

Папярэджана 78 парушэнняў правілаў дарожнага руху, прыцягнуты да адказнасці 12 ліхачоў, 20 пешаходаў і нецвярозы вадзіцель. Адбылося 10 ДТЗ.

АУСТ

Узбуджана крымінальная справа, складзена 78 адміністрацыйных пратаколаў, знойдзена 5 асоб, што знаходзіліся ў вышуку. Суправоджана 78 цягнікоў, з якіх знята 9 правапарушальнікаў.

Дэпартамент аховы

Да адміністрацыйнай адказнасці прыцягнута 17 чалавек, у тым ліку 2 сямейныя скандалісты, столькі ж парушальнікаў ПДР і грамадзяне, якія здзейснілі дробнае хуліганства і нанеслі цялесныя пашкоджанні. У спецізалятар дастаўлена 9 нецвярозых.

Спецізалятар

Размешчана 40 грамадзян, у іх ліку 5 жанчын, 6 сямейных скандалістаў, 1 іншагародні і асоба, што здзейсніла дробнае хуліганства.

IАЖіРС

Выяўлены факты незаконнай парубкі і парушэнне правілаў нарыхтоўкі драўніны, складзены адміністрацыйны пратакол за незаконнае паляванне. Узбуджана крымінальная справа ў дачыненні члена БТПР, які 19 студзеня каля 11 гадзін паблізу в. Пратасевічы без належнага дазволу здабыў дзіка, чым прычыніў навакольнаму асяроддзю ўрон на суму звыш 25 млн рублёў.