РАУС

У перыяд з 26 кастрычніка па 1 лістапада спынены вышук 5 грамадзян, што ўхіляліся ад пакрыцця шкоды і выплаты аліментаў, канфіскаваны самаробны самагонны апарат, у крамах райста ў в. Замошша і Ліпень выяўлена 15,9 літра піва і спіртных напояў са скончаным тэрмінам рэалізацыі. Знойдзены труп без прыкмет гвалтоўнай смерці. 28 кастрычніка ў ЦРБ дастаўлена жанчына, збітая мужам, праз дзень — мужчына, траўмы якому ў ходзе сваркі нанёс раней судзімы пасынак.

РАСК

Узбуджана 20 крымінальных спраў, 12 з іх — па крадзяжах маёмасці, 2 — у дачыненні асіпаўчаніна і жыхара в. Вялікая Грава, якія прычынілі цялесныя пашкоджанні ўчастковаму міліцыянеру і міліцыянеру групы затрымання Дэпартамента аховы падчас знаходжання іх пры выкананні службовых абавязкаў.

У 24-гадовага ялізаўчаніна канфіскавана 0,3 г амфетаміна.

У ноч на 30 кастрычніка неўстаноўленая асоба з павільёна ТАА “Пухавічымясапрадукт” выкрала грошы і мясныя вырабы, прычыніўшы шкоду на суму каля 13 млн рублёў.

ДАI

Папярэджана 153 правапарушэнні ПДР, прыцягнуты да адказнасці 49 ліхачоў, 1 нецвярозы вадзіцель і 55 пешаходаў, з якіх 8 знаходзіліся ў стане алкагольнага ап’янення. Адбылося 7 ДТЗ.

31 кастрычніка ў 16 гадзін 5 хвілін на 115 км аўтадарогі “Мінск-Гомель” каля в. Ясень мінчанка на “Фіаце-Сціло” сутыкнулася з аўтамабілем “МАЗ”, што рухаўся ў спадарожным напрамку. Жанчына-вадзіцель з цялеснымі пашкоджаннямі шпіталізавана.

АУСТ

Складзена 62 адміністрацыйныя пратаколы, канфіскавана 20 л брагі, знойдзена асоба, што знаходзілася ў вышуку. Суправоджана 56 цягнікоў, з якіх знята 13 правапарушальнікаў.

Спецізалятар

Размешчана 48 грамадзянін, у іх ліку 9 жанчын, 5 сямейных скандалістаў, 4 асобы, што здзейснілі дробнае хуліганства.

РАНС

У выніку пажару, які здарыўся 27 кастрычніка ў Пратасевічах, агнём пашкоджаны маёмасць і столь дачнага дома. На наступны дзень загарэўся жылы дом на ст. Ясень. Пашкоджана перакрыцце вакол дымахода.

IАЖіРС

Складзена 5 пратаколаў па фактах парушэння правілаў лесакарыстання. Непрацуючы жахар в. Вяззе з дапамогай пад’ёмнай сеткі спрабаваў скрасці на нагульнай сажалцы рыбгаса рыбу коштам звыш 2 млн руб.