РАУС

У перыяд з 7 па 13 верасня ўстаноўлены асобы, украўшыя веласіпед (жнівень 2013 г.) і 2 тэлевізары з магазіна райста ў п. Ялізава (2012 г.). Выяўлена месцазнаходжанне 2 чалавек, што ўхіляліся ад выплаты аліментаў. Зафіксавана 2 факты парушэння антыалкагольнага заканадаўства і канфіскавана  55 літраў самагоннай брагі. Падчас правядзення спецыяльнай праграмы “Мак” каля аг. Ясень знойдзена і знішчана 8 кг дзікіх канопляў.

Супрацоўнікамі АБЭЗ выяўлены факт рэалізацыі і захоўвання абутку і     адзення імпартнай вытворчасці без таваратранспартных накладных на суму больш за 100 млн рублёў. Прадукцыя канфіскавана.

РАСК

Узбуджана 9 крымінальных спраў, з іх 4 — па крадзяжах веласіпедаў.

Жыхарка Ялізава, працуючы з мая па ліпень 2012 года на пасадзе загадчыка пасялковага аддзялення банка, ад імя ўкладчыка-аднавяскоўкі аформіла фіктыўныя дакументы і завалодала грашыма банка ў памеры 6.800 долараў і 700 еўра.

ДАI

Папярэджана 231 парушэнне правілаў дарожнага руху, прыцягнута да адказнасці 6 нецвярозых вадзіцеляў, 119 кіроўцаў-ліхачоў, 12 пешаходаў без святлоадбіваючых элементаў на вопратцы. Адбылося 5 ДТЗ.

У нядзелю нецвярозы вадзіцель “Форда” не справіўся з кіраваннем аўтамабілем і сутыкнуўся з дрэвам. Пасажыр дастаўлены ў бальніцу.

УВАГА! Па 25 верасня праводзіцца рэспубліканская акцыя “Час стаць прыкметным!”, накіраваная на прапаганду выкарыстоўвання святлоадбіваючых элементаў і камізэлек павялічанай бачнасці.

АУСТ

Складзена 95 адміністрацыйных пратаколаў, знойдзена 4 чалавекі, якія знаходзіліся ў вышуку, суправоджана 152 цягнікі, з якіх знята 10 правапарушальнікаў. У спецізалятар дастаўлена 2 грамадзяніны.

Увага! “Прамая лінія” з начальнікам АУСТ Сяргеем Рогалем адбудзецца 17 верасня з 11 да 13 гадзін па тэл. 6-25-46.

Спецізалятар

Размешчаны для працверажэння 46 чалавек, з іх 8 жанчын, 6 сямейных скандалістаў, 2 хуліганы і асоба, што здзейсніла дробны крадзеж.

IАЖіРС

Складзена 2 адміністрацыйныя пратаколы за парушэнне правілаў лесакарыстання і столькі ж — за крадзеж сажалкавай рыбы.