Асіповічы: хроніка здарэнняў

РАУС

З 31 жніўня па 6 верасня раскрыта 2 крадзяжы, спынены вышук 4 грамадзян, якія ўхіляліся ад выплаты запазычанасці, зафіксавана 2 факты парушэння антыалкагольнага заканадаўства.

Падчас санкцыянаванага агляду дома ў в. Ялцоўка выяўлены і канфіскаваны абрэз вінтоўкі “Маўзер” і 8 патронаў.

4 верасня на сажалцы ААТ “Рыбгас “Свіслач” затрыманы раней судзімы жыхар Вяззя, які выкраў амаль 60 кг рыбы.

РАСК

Распачата 9 крымінальных спраў, з якіх 7 — за крадзеж маёмасці.

5 мая супрацоўнікамі аддзялення па наркакантролі і супрацьдзеянні гандлю людзьмі затрымана жанчына, якая захоўвала пры сабе 1,7874 г марыхуаны.

Неўстаноўленая асоба шляхам падбору ключа пранікла ў кватэру пенсіянеркі і выкрала ювелірныя вырабы на суму звыш 2 млн рублёў.

Заведзена справа ў дачыненні раней судзімага мужчыны. Пазбаўлены права займацца дзейнасцю, звязанай з кіраваннем транспартнымі сродкамі, ён паўторна п’яным сеў за руль аўтамабіля.

ДАI

Папярэджана 354 факты парушэння ПДР, да адказнасці прыцягнута 3 нецвярозыя вадзіцелі, 42 — якія не прытрымліваліся хуткаснага рэжыму, 13 пешаходаў без святлоадбівальных элементаў. Адбылося 8 ДТЗ.

Увага! Па 20 верасня праводзяцца прафілактычныя мерапрыемствы па прадухіленню фактаў кіравання транспартнымі сродкамі вадзіцелямі, што знаходзяцца ў стане ап’янення або не маюць права кіравання.

АУСТ

Складзена 57 адміністрацыйных пратаколаў, устаноўлена месцазнаходжанне асобы, што была ў вышуку, у спецізалятар дастаўлена 3 чалавекі. Суправоджана 56 цягнікоў, з якіх знята 2 правапарушальнікі.

Увага! З 10 па 12 верасня праводзіцца комплекс аператыўна-прафілактычных мерапрыемстваў, накіраваных на папярэджанне і раскрыццё злачынстваў на аб’ектах транспарту.

Спецізалятар

Размешчаны для працверажэння 37 чалавек, у тым ліку 8 жанчын, 5 сямейных скандалістаў, іншагародні грамадзянін і асоба, што ўчыніла дробны крадзеж.

РАНС

У аг. Свіслач 31 жніўня агнём знішчаны дашчаны навес, дах і перакрыцце гаспадарчай пабудовы, пашкоджаны дах лазні.

IАЖіРС

Складзены пратаколы за спробу крадзяжу сажалкавай рыбы, незаконную здабычу рыбы, непадпарадкаванне законным патрабаванням супрацоўніка інспекцыі. Распачата крымінальная справа па факце крадзяжу рыбы.