РАУС

У перыяд з 3 па 9 жніўня зарэгістравана 8 супрацьпраўных учынкаў: крадзеж — 4, выраб самагону — 2, збыт фальшывых купюр, нанясенне цялесных па-шкоджанняў — па 1. Выяўлена 2 трупы. Узбу-джана 10 крымінальных спраў. Раскрыта 7 раней здзейсненых злачынстваў. Знішчана 60 кіла-грамаў каноплі.

У ходзе несанкцыянаванага агляду жылля канфіскавана 230 літраў самагоннай брагі.

5 жніўня прыкладна ў 6 гадзін вечара ў магазіне в. Ясень невядомы мужчына, калі двое іншых адцягвалі ўвагу прадаўца, адкрыта скраў з прылаўка прас коштам 417.000 рублёў і знік на аўтамабілі. У ходзе ўведзенага плана “Перахоп” дадзеная машына пад кіраваннем 37-гадовага бабруйчаніна была затрымана.

Узбуджана крымінальная справа ў адносінах да непрацуючага, раней судзімага жыхара нашага горада, які днём 10 жніўня шляхам свабоднага доступу, знаходзячыся ў доме сваёй знаёмай, пасля сумеснага распіцця алкагольных напояў, здзейсніў крадзеж залатых вырабаў коштам 12 мільёнаў рублёў.

ДАI

Спынена 186 парушэнняў правілаў руху. Прыцягнута да адказнасці 12 пешаходаў і 2 п’яныя вадзіцелі, 85 чалавек — за перавышэнне хуткасці. Здзейснена 8 ДТЗ з механічнымі па-шкоджаннямі.

Аўтаінспекцыя звяртаецца да ўсіх вадзіцеляў: у сувязі з гарачым на- двор’ем, якое негатыўна ўплывае на самаадчуванне, неабходна быць крайне ўважлівымі і асцярожнымі, выбіраць бяспечную хуткасць руху, якая б дазволіла ў выпадку зніжэння празрыстасці атмасферы без праблем праехаць небяспечныя ўчасткі дарог.

АУСТ

Складзена 67 адміністрацыйных пратаколаў. Суправоджана 50 цягнікоў, дзе затрымана 6 чалавек. У спецізалятар дастаўлены 3 чалавекі. Знішчана каля 9 кілаграмаў маку. Канфіскавана 35 літраў брагі.

Спецізалятар

Дастаўлена для аказання дапамогі 48 чалавек, з іх 6 — сямейных скандалістаў.

РАНС

Адбывалася тушэнне лясных і тарфяных пажараў паблізу п. Татарка, вёсак Вярхі і Канцы.

У сувязі з пажаранебяспечным надвор’ем працягваецца забарона на наведванне лясоў і тарфянікаў.

Аддзел па надзвычайных сітуацыях нагадвае, што на аснове артыкула 15.29 Кодэкса Рэспублікі Беларусь аб адміністрацыйных парушэннях незахаванне патрабаванняў пажарнай бяспекі ў лясах і на тарфяніках або забароны на іх наведванне, якое не прывяло да прычынення шкоды, — прадугледжвае папярэджванне або накладанне штрафу ў памеры да 25 базавых велічынь, а парушэнне патрабаванняў пажарнай бяспекі ў лясах ці на тарфяніках, якое стала прычынай знішчэння або пашкоджання лесу ці тарфянікаў, — прадугледжвае накладанне штрафу ў памеры от 25 да 50 БВ.

IАЖіРС

Складзена 6 пратаколаў: 4 — за наведванне лесу ў перыяд забароны, за збор ягад механічным спосабам і незаконную лоўлю рыбы — па 1.