Асіповічы: хроніка здарэнняў

4 августа 2015 11:30

РАУС

У перыяд з 27 ліпеня па 2 жніўня зарэгістравана 20 супрацьпраўных учынкаў: крадзеж — 3, выраб самагону — 11, нанясенне цялесных пашкоджанняў — 4, выкраданне і падпальванне аўтамабіля — па 1. Выяўлена 2 трупы. Узбуджана 6 крымінальных спраў. Раскрыта 2 раней здзейсненыя злачынствы. Знішчана звыш 2 кілаграмаў каноплі. Спынены пошук без вестак загінуўшай.

У ходзе несанкцыянаванага агляду жылля канфіскавана 1.125 літраў самагоннай брагі.

27 ліпеня ўзбуджана крымінальная справа ў адносінах 17-гадовага жыхара п. Градзянка, які выкраў аўтамабіль “Рэно Лагуна” ў 35-гадовай мінчанкі і здзейсніў дарожна-транспартнае здарэнне, пасля чаго з траўмамі быў дастаўлены ў райбальніцу.

30 чысла ўзбуджана крымінальная справа ў адносінах непаўналетніх жыхароў в. Верайцы, якія ў пенсіянера-аднасяльчаніна ўкралі розных бытавых рэчаў на 17.545.000 рублёў.

Праводзіцца праверка па факце крадзяжу ў грамадзянкі в. Ручэй 30 чатырохмесячных куранят.

ДАI

Спынена 151 парушэнне правілаў руху. Прыцягнута да адказнасці 11 пешаходаў і п’яны вадзіцель, 48 — за перавышэнне хуткасці. Здзейснена 17 ДТЗ з механічнымі пашкоджаннямі.

З 1 па 10 жніўня праводзяцца комплексныя мерапрыемствы па папярэджванні дарожна-транспартных здарэнняў з удзелам двухколавых транспартных сродкаў: матацыклаў, веласіпедаў, мапедаў.

АУСТ

Складзена 117 адміністрацыйных пратаколаў. Суправоджана 68 цягнікоў, дзе затрымана 5 грамадзян. У спецізалятар дастаўлена 5 чалавек. Узбуджана крымінальная справа. Знішчана каля 1,5 кілаграма маку.

Спецізалятар

Дастаўлена для аказання дапамогі 37 чалавек, з іх — 6 сямейных скандалістаў, сярод якіх адна жанчына.

РАНС

Зарэгістравана 3 пажары.

31 ліпеня каля 21 гадзіны паступіла паведамленне пра ўзгаранне дома ў в. Азярышча. Агнём знішчаны дом, загінула мясцовая жыхарка. Пры аглядзе месца здарэння выяўлена канструкцыя для несанкцыянаванага падключэння да лініі электраперадач.

Адбылося адкрытае гарэнне двух легкавых аўтамабіляў.