РАУС

У сувязі з устанаўленнем месцазнаходжання спынены вышук зніклага без вестак грамадзяніна. Аддзяленнем па наркакантролі і супрацьдзеянні гандлю людзьмі сумесна з ваеннай камендатурай па Асіповіцкім гарнізоне выяўлена і знішчана 15 кг дзікарослых канопляў. У абменным пункце затрымана асіпаўчанка, якая спрабавала збыць фальшывую 100-доларавую банкноту, надрукаваную на струменевым прынтары. Праводзіцца праверка па чарговым выкраданні з неахоўваемай стаянкі аўтамабіля “ВАЗ”.

6 ліпеня з аграгарадка Ліпень у ЦРБ дастаўлена з траўмамі 4-гадовая дзяўчынка: яе маці, не маючы вадзіцельскага пасведчання і кіруючы аўтамабілем у двары дома, праявіла няўважлівасць і наехала на дачку, якая нечакана з’явілася на шляху руху машыны.

РАСК

Распачата 16 крымінальных спраў, 2 — у дачыненні раней несудзімай непрацуючай жанчыны, якая здзейсніла крадзеж маёмасці і незаконна захоўвала звыш 20 грамаў экстракцыйнага опію.

Захавання і збыту наркатычных сродкаў датычацца і справы, узбуджаныя супраць невядомага, які ў Мінску прадаў жыхару Асіповічаў больш за 4 грамы асабліва небяспечнага псіхатропнага рэчыва, і жанчыны, што незаконна захоўвала пры сабе звыш 70 грамаў макавай саломкі.

Устаноўлены асобы, якія ўчынілі на мінулым тыдні крадзеж двух аўтамабіляў “ВАЗ” — імі аказаліся 19- і 21-гадовы работнікі аднаго з заводаў.

Будзе прыцягнуты да адказнасці і жыхар в. Ясень, што з лістапада 2011 года ўхіляўся ад выплаты аліментаў на карысць дачкі.

ДАI

Папярэджана 118 фактаў парушэння правілаў дарожнага руху, да адказнасці прыцягнута 9 нецвярозых вадзіцеляў, 30 парушальнікаў хуткаснага рэжыму, 8 пешаходаў без святлоадбіваючых элементаў на вопратцы. Адбылося 12 ДТЗ.

АУСТ

Складзена 68 адмі-ністрацыйных пратаколаў, суправоджана 60 цягнікоў, з якіх знята 6 правапарушальнікаў. Знойдзены 2 злачынцы, што знаходзіліся ў вышуку.

IАЖіРС

Складзены 1 пратакол за парушэнне правілаў лесакарыстання і 3 — за наведванне лесу ў час забароны.