РАУС

У перыяд з 29 чэрвеня па 5 ліпеня выяўлены труп мужчыны, які скончыў жыццё самагубствам, канфіскавана 40 літраў брагі і 5 — самагонкі. Падчас правя-дзення спецыяльнай праграмы “Мак” знішчана 0,7 кг канопляў.

1 ліпеня на абочыне 104 км аўтадарогі “Мінск-Гомель” знойдзена мінамётная міна часоў вайны, якая абясшкоджана сапёрна-піратэхнічнай групай.

Устаноўлена асоба грамадзяніна, які 12, 18 і 19 сакавіка ажыццявіў крадзяжы веласіпедаў з пад’ездаў дамоў. Iм аказаўся непрацуючы неаднаразова судзімы жыхар Пухавіцкага раёна.

Раніцай 2 ліпеня з вуліцы в. Уборак у бальніцу ў коме дастаўлены нецвярозы мужчына, якому цялесныя пашкоджанні нанёс непрацуючы мінчанін.

Праводзіцца праверка па паведамленні пенсіянера, ад дома якога ў ноч на 4 ліпеня нехта выкраў аўтамашыну “ВАЗ”.

РАСК

Узбуджана 12 крымінальных спраў, з якіх 11 — па крадзяжах маёмасці, у тым ліку двух “ВАЗаў”.

Заведзена справа ў дачыненні вадзіцеля “Аўдзі”, які 26 чэрвеня наехаў на веласіпедыстку, якая праз 4 дні памерла ў бальніцы.

ДАI

Папярэджана 81 парушэнне правілаў дарожнага руху, прыцягнуты да адказнасці нецвярозы вадзіцель, 21 — што не прытрымліваліся хуткаснага рэжыму, 6 пешаходаў, якія ў цёмны час сутак знаходзіліся на праезнай частцы без святлоадбіваючых элементаў. Адбылося 7 ДТЗ.

4 ліпеня ў 18.20 жыхар аг. Карытнае на 13 км аўтадарогі “Асіповічы-Глуск-Азарычы” не справіўся з кіраваннем “Фордам” і   з’ехаў у кювет, дзе сутыкнуўся з дрэвам. Вадзіцель шпіталізаваны.

АУСТ

Складзена 72 адміністрацыйныя пратаколы; знойдзена асоба, што знаходзілася ў вышуку; у спецізалятар дастаўлена 9 чалавек; суправоджана 187 цягнікоў, з якіх знята 18 правапарушальнікаў.

Спецізалятар

Размешчана для працверажэння 36 грамадзян, у іх ліку 8 жанчын і 4 іншагароднія.

РАНС

У лясах на тэрыторыі раёна зарэгістравана 4 пажары. За знаходжанне ў лесе ў перыяд забароны на наведванне прыцягнуты да адказнасці 1 грамадзянін.

Увага! Забарона на наведванне лясоў і тарфянікаў працягвае дзейнічаць. За знаходжанне там прадугледжана адміністрацыйная адказнасць — папярэджанне або штраф у памеры да 25 базавых велічынь.

IАЖіРС

Складзены пратакол па факце ажыццяўлення незаконнай рыбалкі, па два — за гандаль свежай рыбай у неўстаноўленых месцах і знаходжанне ў лесе падчас забароны наведвання.