РАУС

З 16 па 22 сакавіка раскрыты 2 крадзяжы, устаноўлена месцазнаходжанне 2 асоб, якія знаходзіліся ў вышуку, выяўлена і канфіскавана 80 літраў брагі. Зафіксавана 2 факты суіцыду.

У бальніцу дастаўлена жанчына: падчас сумеснага распіцця алкаголю раніла яе сястра. Шпіталізаваны і нецвярозы жыхар в. Шэйпічы, якому цялесныя пашкоджанні з-за рэўнасці нанесла сужыцелька. У абодвух выпадках прыладай злачынства стаў нож.

1.200 долараў ЗША і прадукцыя на суму 245 млн рублёў канфіскаваны ў жыхара Віцебска, які рэалізоўваў тавар без рэгістрацыі ў якасці IП і парушыў правілы ажыццяўлення валютных аперацый.

РАСК

Узбуджана 14 крымінальных спраў, з якіх 8 – па крадзяжу маёмасці.

ДАI

Папярэджана 168 парушэнняў ПДР, прыцягнуты да адказнасці нецвярозы кіроўца, 80 «ліхачоў», 11 пешаходаў. Адбылося 6 ДТЗ.

18 сакавіка на а/д Мінск-Гомель паблізу в. Смык вадзіцель грузавіка здзейсніў наезд на інспектара ДПС ДАI, які рухаўся па абочыне. Узбуджана крымінальная справа.

Недалёка ад в. Камарын сутыкнуліся “УАЗ” і “Хёндай” — адзін з вадзіцеляў шпіталізаваны з траўмамі.

Увага: з 20 па 30 сакавіка праводзіцца рэспубліканская прафілактычная акцыя “Бяспраўніку не месца за рулём!”

АУСТ

Складзена 111 адміністрацыйных пратаколаў, суправоджана 156 цягнікоў, з якіх знята 25 правапарушальнікаў, у спецізалятар дастаўлена 5 грамадзян. Канфіскавана звыш 5 кг насення маку і 67 літраў піва з пратэрмінаванай датай прыдатнасці. Затрыманы 2 чалавекі, якія знаходзіліся пад уздзеяннем прэпаратаў, што ўтрымліваюць псіхатропныя рэчывы.

РАНС

У выніку загарання травы 21 сакавіка ў в. Усціж згарэлі 4 гаспадарчыя пабудовы, дах і перакрыцце нежылога дома.

За правядзенне сельгаспалаў і развядзенне вогнішчаў прыцягнута да адказнасці 14 грамадзян.