РАУС

У перыяд з 23 лютага па 1 сакавіка раскрыты крадзеж, выяўлена месцазнаходжанне 3 асоб, што знаходзіліся ў вышуку, зафіксавана 9 фактаў парушэння антыалкагольнага заканадаўства, канфіскавана 27 літраў самагонкі і 18 — спірту. Зарэгістравана тры паведамленні пра крадзяжы асабістай маёмасці.

На міні-рынку ў п. Ялізава супрацоўнікамі АБЭЗ і IМПЗ затрыманы непрацуючы жыхар г. Кіраўска, які рэалізоўваў мяса, сала і збожжа без рэгістрацыі ў якасці індывідуальнага прадпрымальніка. Прадукцыя на суму 7.247.000 рублёў канфіскавана.

РАСК

Узбуджана 13 крымінальных спраў, з якіх 7 — па фактах крадзяжу маёмасці.

25 лютага распачаты справы ў дачыненні да невядомага, які захоўваў паблізу дома па вул. Сумчанкі 1,026 грама марыхуаны і 0,386 — асабліва небяспечнага псіхатропнага рэчыва, а таксама раней судзімага асіпаўчаніна, што збыў у пад’ездзе дома па той жа вуліцы 0,0714 грама ацэтыляванага опію.

У мэблевай краме, злоўжыўшы даверам гандлёвага прадстаўніка, мужчына завалодаў двума крэсламі на суму 2.420.000 рублёў.

ДАI

Папярэджана 157 парушэнняў правілаў дарожнага руху, прыцягнуты да адказнасці 3 нецвярозыя кіроўцы, 63 ліхачы, 23 пешаходы, 3 з якіх — нецвярозыя. Адбылося 5 ДТЗ з матэрыяльным уронам.

Увага! Па 6 сакавіка праводзіцца спецыяльнае комплекснае мерапрыемства “Пешаход”.

АУСТ

Складзены 81 адмі-ністрацыйны пратакол, знойдзена асоба, якая знаходзілася ў вышуку, суправоджана 52 цягнікі, з якіх знята 10 правапарушальнікаў. У спецізалятар дастаўлена 5 грамадзян. Узбуджаны крымінальныя справы па фактах разбойнага нападу і крадзяжу.

Цудам застаўся жывы пенсіянер, які, пераходзячы чыгуначныя пуці на станцыі Вярэйцы ў нецвярозым стане, страціў раўнавагу і ўпаў на перон. На шчасце, чалавек не патрапіў на рэйкі і ў здарэнні пацярпеў толькі веласіпед, які быў пашкоджаны цягніком “Мінск-Гомель”. У дачыненні парушальніка грамадскага парадку вынесена пастанова аб накладанні адміністрацыйнага спагнання.

Спецізалятар

Размешчаны для працверажэння 21 грамадзянін, у тым ліку 4 жанчыны і 1 іншагародні.

РАНС

23 лютага ў в. Малая Гарожа загарэўся прыватны жылы дом. Агнём знішчаны дах і маёмасць, пашкоджаны веранда, перакрыцце і сцены хаты. Пацярпелых няма.

IАЖіРС

Складзена 2 адміністрацыйныя пратаколы за парушэнне правілаў рыбнай лоўлі, па аднаму — за незаконнае лесакарыстанне і непадпарадкаванне супрацоўнікам інспекцыі.