РАУС

У перыяд з 2 па 8 лютага раскрыта 5 крадзяжоў, спынены вышук дзвюх асоб, якія ўхіляліся ад выплаты запазычанасці, зафіксавана 7 фактаў парушэння антыалкагольнага заканадаўства, канфіскавана 150 літраў брагі і 2,5 л самагонкі.

Супрацоўнікамі АБЭЗ на трасе Мінск-Гомель паблізу в. Ясянец спынены аўтамабіль, на якім жыхар аг. Краснае Гомельскага раёна перавозіў 6 кутніх канап без таварна-транспартных накладных. Тавар на суму звыш 21 млн руб. канфіскаваны.

Устаноўлена асоба, што займалася збытам наркотыкаў — 36-гадовы раней судзімы непрацуючы асіпаўчанін.

З пад’езда жылога дома дастаўлены ў бальніцу з траўмамі галавы нецвярозы жыхар в. Вязаўніца. Устаноўлена, што цялесныя пашкоджанні атрыманы пры падзенні з лесвіцы.

Затрыманы двое грамадзян, якія ноччу 7 лютага на вул. Рабоча-Сялянскай збілі 44-гадовага мужчыну і завалодалі пакетам з 2 бутэлькамі піва і сушанай рыбай.

РАСК

Узбуджана 7 крымінальных спраў, у тым ліку да ялізаўчаніна, які 5 лютага з хуліганскіх намераў пашкодзіў 20 панэляў плоту сельсавета.

Пракуратурай раёна распачата справа супраць раней несудзімага мужчыны, які ў перыяд з 26 студзеня па 12 кастрычніка 2014 года сістэматычна збіваў сужыцельку, а таксама ў дачыненні да 32-гадовага беспрацоўнага асіпаўчаніна, што падчас сваркі прычыніў лёгкія цялесныя пашкоджанні ўласнай маці.

ДАI

Папярэджана 201 правапарушэнне дарожнага руху, прыцягнута да адказнасці 2 нецвярозыя вадзіцелі, 30 — якія не прытрымліваюцца хуткаснага рэжыму, 17 — што выкарыстоўваюць летнія шыны, і 14 пешаходаў, якія ў цёмны час сутак знаходзіліся на праезнай частцы без святлоадбіваючых элементаў. Адбылося 7 ДТЗ.

У гадзіну ночы 8 лютага паблізу п. Ялізава жыхар Бабруйска не справіўся з кіраваннем аўтамабіля «Сааб», з’ехаў у кювет і сутыкнуўся з дрэвам. Пасажырка, якая не карысталася рамянём бяспекі, з цяжкімі траўмамі дастаўлена ў бальніцу.

ДАI нагадвае: штраф за непрышпілены рэмень бяспекі — 1 базавая ве-лічыня, за паўторнае на працягу года парушэнне — ад 2 да 5 БВ.

АУСТ

Складзена 100 адміністрацыйных пратаколаў, суправоджана 47 цягнікоў, з якіх знята 8 правапарушальнікаў. Устаноўлена месца знаходжання 2 асоб, што знаходзіліся ў вышуку. У спецізалятар дастаўлена 11 грамадзян.

Спецізалятар

Размешчана для працверажэння 39 грамадзян, у іх ліку 3 жанчыны і столькі ж іншагародніх.

РАНС

6 лютага недалёка ад в. Крынка з-за кароткага замыкання ў маторным адсеку загарэўся аўтамабіль ВАЗ. У два наступныя дні агнём пашкоджана перакрыцце і маёмасць жылога дома ў в. Дражня, знішчаны дах хлява па вул. Лясная ў в. Брыцалавічы. У гэтых выпадках прычынай стала парушэнне правілаў устройства і эксплуатацыі пячнога ацяплення.

IАЖіРС

Складзены пратакол за парушэнне правілаў лесакарыстання.