РАУС

У перыяд з 1 па  7 снежня адбыліся кра-дзеж, парушэнне антыалкагольнага заканадаўства. Раскрыта ранейшае злачынства. Спынены пошук грамадзянкі, якая ўхілялася ад уплаты аліментаў. Знойдзены труп без прыкмет гвалтоўнай смерці. Выяўлена 6 фактаў парушэння правіл гандлёвага заканадаўства, у тым ліку продаж мясной прадукцыі з Польшчы і прадметаў касметыкі і адзення з Расіі.

2 снежня на аўтадарозе Мінск-Гомель паблізу вёскі Цяплухі затрыманы 25-гадовы індывідуальны прадпрымальнік з Рагачова, які перавозіў дрэваапрацоўваючыя фрэзы без таваратранспартных накладных на суму больш за 100 млн руб.

5 чысла на тым жа месцы затрыманы мінчанін, вадзіцель ТАА “Ламерэй” з Мінска, які перавозіў бытавую тэхніку з няправільна аформленымі дакументамі на 66 млн руб.

Тавары ў абодвух грамадзян канфіскаваны.

З 8 па 12 снежня праводзіцца спецыяльнае комплекснае мерапрыемства “Быт” з мэтай папярэджання правапарушэнняў у сферы сямейна-бытавых адносін.

Напярэдадні калядна-навагодніх свят пройдзе комплекс аператыўна-прафілактычных мера-прыемстваў па выяўленні і прадухіленні фактаў незаконнай рэалізацыі піратэхнічных сродкаў на прадпрыемствах гандлю ўсіх форм уласнасці.

РАСК

Узбуджана 6 крымінальных спраў, з іх 4 — па фактах крадзяжу, па аднаму — за захаванне асабліва небяспечнага псіхатропнага рэчыва і размяшчэнне ў сусветнай павуціне відэафайлаў парнаграфічнага зместу.

ДАI

Спынена 175 парушэнняў правіл дарожнага руху, прыцягнута да адказнасці 55 парушальнікаў хуткаснага рэжыму, 4 нецвярозыя вадзіцелі, 14 пешаходаў без флікераў. Адбылося 6 ДТЗ.

З 10 па 17 снежня праводзіцца рэспубліканская прафілактычная акцыя “Жыццё даражэй за шыны”.

Па 10 чысло працягнецца комплекс мерапрыемстваў па кантролі за захаваннем хуткаснага рэжыму.

АУСТ

Складзены 53 адмі-ністрацыйныя пратаколы. Суправоджана 70 цягнікоў, у якіх выяўлена 6 парушальнікаў. Устаноўлена 2 асобы, якія знаходзіліся ў вышуку. У спецізалятар накіравана 3 грама-дзяніны.

«Прамую тэлефонную лінію» па актуальных для грамадзян і юрыдычных асоб пытаннях, якія ўваходзяць у кампетэнцыю кіраўніцтва Асіповіцкага АУСТ, правядзе 10 снежня з 10.00 да 12.00 (тэл. 6-25-46) начальнік аддзела, палкоўнік міліцыі Уладзімір Мамсікаў.

РАНС

Зарэгістраваны пажар, што адбыўся днём 4 снежня ў дачным пасёлку Ніччо. Агнём пашкоджаны дах дома і перакрыццё, знішчана хатняя маёмасць.

IАЖіРС

Складзены пратакол за незаконную лоўлю рыбы.

7 снежня пры правядзенні палявога кантрольнага мерапрыемства на вадасховішчы выяўлены незаконна ўстаноўленыя рыбалоўныя сеткі, якія канфіскаваны разам з уловам.