РАУС

У перыяд з 13 па 19 кастрычніказнойдзена 7 асоб, якія знаходзіліся ў вышуку. Устаноўлена месцазнаходжанне пенсіянера, што прапаў без вестак. Зафіксавана 5 фактаў парушэння антыалкагольнага заканадаўства. Канфіскаваны самагонны апарат, 104 літраў брагі, 2 літры самагонкі.

16 кастрычніка паблізу в.Камарын затрыманы аўтамабіль жыхара г. Рэчыца, у якім без суправаджальных дакументаў перавозіліся дзверы і вокны ПВХ. Прадукцыя на суму 47.800.000 рублёў канфіскавана.

Устаноўлена асоба чалавека, чыё цела 3 верасня было знойдзена ў лясным масіве паблізу в.Цэль. Iм аказаўся 36-гадовы жыхар Пухавіцкага раёна, які 4 красавіка пайшоў з дому і прапаў без вестак.

РАСК

Узбуджана 7 крымінальных спраў, з іх 5 — па фактах крадзяжу маёмасці.

15 кастрычніка распачата справа ў дачыненні да раней судзімага ялізаўчаніна, які 11 чысла ўвайшоў у гандлёвую залу крамы і, пагражаючы трымаемым за пазухай пісталетам, запатрабаваў у прадаўца аддаць грашовую выручку — 10 мільёнаў рублёў. Але ажыццявіць злачынны намер не змог: смелая жанчына, нягледзячы на пагрозы, паклікала на дапамогу.

Супрацьзаконным спосабам вырашыў атрымаць грошы і 40-гадовы жыхар горада, які 9 верасня прадставіў у аддзяленне аднаго банка падробленую даведку аб даходах. Па факце таксама ўзбуджана крымінальная справа.

ДАI

Папярэджана 207 парушэнняў ПДР, прыцягнуты да адказнасці 4 п’яныя кіроўцы, 27 парушальнікаў хуткаснага рэжыму, 39 пешаходаў. Адбылося 4 ДТЗ.

Раніцай 19 чысла ля рынка, на перакрыжаванні раўназначных дарог вадзіцель аўтамабіля «Хёндай» не саступіў іншай іншамарцы. У выніку ДТЗ пасажырка «Фіята» шпіталізавана.

Увага! З 16 па 26 кастрычніка праводзіцца комплекснае прафілактычнае мерапрыемства «Маршрутнае таксі», у перыяд з 20 па 30 кастрычніка — акцыя «Вучэбны аўтамабіль», накіраваная на павышэнне ўзроўню падрыхтоўкі вадзіцеляў.

АУСТ

Зарэгістравана 20 матэрыялаў пра здарэнні, суправоджана 84 цягнікі, з якіх выдалена 7 правапарушальнікаў. Устаноўлена 7 асоб, што знахо-дзіліся ў вышуку. Выяўлены факт незаконнага абароту алкагольнай прадукцыі.

Спецізалятар

Размешчана для працверажэння 27 грамадзян, у іх ліку 2 жанчыны.

IАЖіРС

Складзены пратакол па факце продажу рыбы ў неўсталяваным месцы і за арганізацыю летняга лагера для выпасу жывёлы на асабліва ахоўнай прыроднай тэрыторыі.