РАУС

Раскрыты 2 крадзяжы, знойдзены труп без бачных прыкмет гвалтоўнай смерці.

У ноч на 9 кастрычніка неўстаноўленай асобай з кузава аўтамашыны брэсцкага будпрадпрыемства, якая знаходзілася каля будынка гасцініцы «Асіповічы», выкрадзена 2 дэмаркіравальныя ўстаноўкі «Бобр» коштам 150.600.000 рублёў. Узбуджана крымінальная справа. Грамадзян, якія валодаюць нейкай інфармацыяй пра гэта, просьба тэлефанаваць па нумарах (02235) 24-5-32, (029)  351-65-20. Канфідэнцыяльнасць і ўзнагароджанне гарантуюцца.

4.600.000 рублёў выкрадзена з дома пенсіянеркі з в. Пасекі. Злачынца трапіў у хату праз незачыненыя ўваходныя дзверы.

РАСК

Узбуджана 8 крымінальных спраў, з якіх 6 — па фактах крадзяжу маёмасці.

10 кастрычніка, напрыклад, у дачыненні двух невядомых, што з хуліганскіх меркаванняў збілі 73-гадовага жыхара в. Прудок.

У гэты ж дзень пракуратурай раёна ўзбуджана крымінальная справа ў дачыненні да непрацуючага асіпаўчаніна, які 23 жніўня збіў сваю сужыцельку.

ДАI

Папярэджана 167 парушэнняў правілаў дарожнага руху, прыцягнута да адказнасці 5 нецвярозых кіроўцаў, 16 парушальнікаў хуткаснага рэжыму, 28 пешаходаў, якія знаходзіліся на дарогах у цёмны час сутак без святлоадбіваючых элементаў. Адбылося 3 дарожна-транспартныя здарэнні з матэрыяльным уронам.

АУСТ

Складзена 57 адмі-ністрацыйных пратаколаў, суправоджана 120 цягнікоў, з якіх знята 7 правапарушальнікаў. Выяўлены 2 злачынцы, што знаходзіліся ў вышуку. У спецізалятар дастаўлена  8 чалавек. Зафіксаваны факт парушэння антыалкагольнага заканадаўства і канфіскавана 6 літраў спірту.

РАНС

7 кастрычніка ў в. Углата адбылося ўзгаранне прыватнай прыбіральні. У выніку пажару яна была знішчана, таксама па-шкоджаны дах і сцены хлява. Прычына ўзгарання высвятляецца.

IАЖіРС

Складзена тры пратаколы: за незаконную здабычу рыбы, заезд і стаянку ў прыбярэжнай паласе, за продаж рыбы ў неўстаноўленых мес цах.

Спецізалятар

Размешчана для працверажэння 32 чалавекі, у іх ліку 3 жанчыны.