РАУС

У перыяд з 15 па 21 верасня раскрыта 4 злачынствы, затрымана 2 асобы, якія знаходзіліся ў вышуку, выяўлена 2 трупы без прыкмет гвалтоўнай смерці.

Устаноўлена асоба, якая 17 ліпеня выкрала вагон-бытоўку з электраінструментамі, што належыць аднаму прыватнаму вы-творчаму ўнітарнаму прадпрыемству. Выкрадзенае канфіскавана.

РАСК

Узбуджана 9 крымінальных спраў, з іх тры – 15 верасня: у дачыненні жыхара в.Крамок, які дапусціў да кіравання сваім трактарам п’янага таварыша, у выніку чаго той не справіўся з рулём і загінуў, у дачыненні двух навучэнцаў ДУА «Крывіцкі ДСПТВ № 3» за спробу здзейсніць крадзеж аўтамабіля «ВАЗ» на вул.Сташкевіча, і па факце крадзяжу матацыкла «IЖ Планета-5».

17 верасня па адмененай пастанове аб спыненні праверкі пракуратурай узбуджана крымінальная справа ў дачыненні 38-гадовага непрацуючага жыхара в.Карытнае, які 15 ліпеня, знаходзячыся ў стане алкагольнага ап’янення, нанёс сужыцельцы ўдар сякерай у шыю.

ДАI

Папярэджана 281 правапарушэнне, прыцягнуты да адказнасці 7 нецвярозых кіроўцаў, 163 парушальнікі хуткаснага рэжыму, 21 пешаход. Адбылося 7 ДТЗ з прычыненнем матэрыяльнага ўрону.

Увага! Па 25 верасня праходзіць акцыя “Бяспечны пераход”. Паважаныя пешаходы, памятайце: засцерагчы сябе на дарозе ў цёмны час сутак можна толькі з дапамогай святлоадбіваючых элементаў!

АУСТ

Затрымана 3 злачынцы, якія знаходзіліся ў вышуку, складзена 82 адміністрацыйныя пратаколы, 9 чалавек накіравана ў спецізалятар, суправоджана 44 цягнікі. Узбуджана крымінальная справа па факце збыту наркатычных сродкаў.

Спецізалятар

За тыдзень дастаўлена 36 грамадзян, 34 пакінута для працверажэння. Сярод іх і 4 жанчыны.

IАЖіРС

Складзена 2 пратаколы за гандаль рыбай у неўстаноўленых месцах і 1 – за парушэнне правілаў лесакарыстання.