РАУС

У перыяд з 18 па 24 жніўня зарэгістраваны 2 факты парушэння антыалкагольнага заканадаўства. Выяўлена месцазнахо-джанне 2 грамадзян, якія ўхіляюцца ад выплаты алі-ментаў, і столькі ж асоб, што хаваліся ад суда. Вы-яўлены 2 трупы без прык-мет гвалтоўнай смерці.

18 жніўня ў в. Углата дырэктар аднаго са сталічных прыватных прадпрыемстваў прыняў ў якасці аплатнага сродку 1.830 долараў ЗША, чым здзейсніў адміністрацыйнае правапарушэнне.

20 жніўня падчас рыбнай лоўлі ў р. Бярэзіна патануў 49-гадовы жыхар в. Шэйпічы.

РАСК

Узбуджана 7 крымінальных спраў, дзве з якіх тычацца крадзяжу лесаматэрыялаў: у дачыненні да неўстаноўленай асобы, што выкрала 20 кубаметраў дзелавой драўніны з дзялянкі каля в. Ражышча, і двух работнікаў ААТ “Асі-повічыаграпрамтэхзабеспячэнне”, якія 20 жніўня 2013 года завалодалі піламатэрыяламі ДВЛГУ “Асіповіцкі вопытны лясгас” на суму 1.018.429 рублёў.

Адразу тры крымінальныя справы за крадзеж асабістай маёмасці ўзбуджаны 23 жніўня: у дачыненні да раней судзімага непрацуючага грамадзяніна, які скраў з партманета свайго знаёмага 1.360.000 рублёў, і непрацуючага асіпаўчаніна, што непрыкметна “пазычыў” 200 долараў ЗША, а таксама па факце крадзяжу мапеда маркі “Дэльта” ў в. Амінавічы. Распачата крымінальная справа ў дачыненні раней пазбаўленага права кіравання транспарт-нымі сродкамі станочніка Асіповіцкага вопытнага лясгаса, які быў затрыманы супрацоўнікамі ДАI за рулём легкавога аўтамабіля.

ДАI

Папярэджана 182 парушэнні ПДР, прыцягнута да адказнасці 105 парушальнікаў хуткаснага рэжыму і 3 п’яныя вадзіцелі. Адбылося 5 ДТЗ.

Увага! З 25 жніўня па 5 верасня праводзіцца спецыяльнае комплекснае мерапрыемства “Увага – дзеці!”. У гэты перыяд у дзённы час усім транспартным сродкам неабходна рухацца з уключаным блізкім святлом. За невыкананне гэтага патрабавання прадугледжана адміністрацыйная адказнасць у выглядзе штрафу да 2 базавых велічынь.

АУСТ

21 жніўня на ст. Бабруйск пры пераходзе чыгункі смяротна траўмавана 52-гадовая жанчына. Суправоджана 120 цягнікоў, узбуджана 2 крымінальныя справы, складзена 75 ад-міністрацыйных пратаколаў, 6 чалавек дастаўлены ў спецізалятар. Знішчана 37 кг канопляў.

З 27 па 29 жніўня ў рамках аперацыі “Пасажыр” з мэтай папярэджання злачынстваў і правапарушэнняў будзе арганізавана суправаджэнне ўсіх пасажыр-скіх прыгарадных цягнікоў.

РАНС

Прыцягнуты да адміністрацыйнай адказнасці 2 службовыя асобы і 5 домаўладальнікаў. 22 жніўня ў выніку пажару пашкоджаны дах і сцены, знішчана маёмасць дачнага дома садовага таварыства “Спадарожнік”, што знаходзіцца ў Лапіцкім сельсавеце.