РАУС

На мінулым тыдні ў лясным масіве паблізу в. Прудок быў спынены аўтамабіль. За рулём знаходзіўся непрацуючы бабруйчанін, што перавозіў 900 літраў спіртаўтрымліваючай вадкасці. У школьніка з Ялізава пры невядомых абставінах прапалі мабільны тэлефон “Huawei P8 lite”, партатыўная калонка, рукзак. У жыхаркі Верайцоў з сумкі былі скрадзены пашпарт і кашалёк са 100 рублямі, 200 доларамі. З дома па вул. Касмічнай горада прапаў шурупавёрт, а на адным з падворкаў па вул. Рэвалюцыйнай знойдзены астанкі 3 чалавек. Мяркуецца, што яны загінулі падчас Вялікай Айчыннай вайны.

РАСК

Распачата крымінальная справа ў дачыненні да раней судзімага 36-гадовага грамадзяніна, які з дома асіпаўчанкі па зав. В.Харужай пасля распіцця спіртных напояў скраў мабільны тэлефон, ноўтбук і 10 руб. Урон склаў 260 рублёў.

Раней судзімы лапічанін у грамадзянкі ў Дараганаве скраў дарожны веласіпед “Зундан Амстэрдам” і музычны цэнтр.

ДАI

Папярэджана 96 парушэнняў ПДР, да адказнасці прыцягнуты 15 пешаходаў, пакарана 5 “бяспраўнікаў” і грамадзянін, што сеў за руль у нецвярозым стане.

Адбылося дарожна-транспартнае здарэнне з цялеснымі пашкоджаннямі з удзелам матацыкліста, які з пасажырам рухаўся па аўтадарозе Цэль-санаторый “Лапічы” і, не справіўшыся з кіраваннем, урэзаўся ў дрэва. Абодва з цяжкімі траўмамі дастаўлены ў ЦРБ.

Дэпартамент аховы

За здзяйсненне дробнага крадзяжу да адмі-ністрацыйнай адказнасці прыцягнуты 5 чалавек, па 1 — за дробнае хуліганства і парушэнне ПДР, пакарана 10 асоб, што знаходзіліся ў грамадскіх месцах у нецвярозым стане, і столькі ж за іншыя правапарушэнні.

IАЖіРС

Складзена 3 адміністрацыйныя пратаколы за парушэнне правіл лесакарыстання. Распачата крымінальная справа за незаконную здабычу рыбы.