РАУС

На мінуўшым тыдні ў зав. Чарняхоўскага невядомы шляхам адціскання замка капота аўтамабіля скраў 2 акумулятары. Падчас агляду жылля 2 работнікаў сельгаспрад-прыемстваў канфіскавана 60 і 20 л афарбаванага дызельнага паліва; супрацоўнікамі АБЭЗ падчас агляду аўтамабіля “МАЗ” выяўлена 30 л такога ж паліва. 26 чысла ў в. Перарожкі непрацуючы мужчына душыў жыхарку Верайцоў і пагражаў забойствам. Шпіталізаваны жыхар в. Дзераўцы, якому ў ходзе распіцця алкаголю нанесла нажавыя раны аднасяльчанка. Аддзелам крымінальнага вышуку ўстаноўлена вінаватая ў здзяйсненні крадзяжоў веласіпеда і іншай маёмасці з дачнага дома, якія адбыліся 12 сакавіка. 29 ліпеня ў р. Млынка выяўлены 2 прадметы, падобныя на снарады часоў Вялікай Айчыннай вайны.

РАСК

Распачата крымінальная справа ў дачыненні да 34-гадовай асіпаўчанкі, якая ў лютым шляхам падману і злоўжывання даверам, загадзя не маючы намеру выконваць узятыя на сябе абавязацельствы, завалодала 360 доларамі ЗША і 360 рублямі.
Гараджанка ў гандлёвых павільёнах па вул. Сумчанкі пры правядзенні плацяжоў скрала з банкаўскай карты пенсіянеркі 6,5 руб.
Вечарам 28 чысла невядомыя спрабавалі вы-красці з зямельнага ўчастка 89-гадовага пенсіянера гародніну на суму звыш за 44 руб.

ДАI

Папярэджана 77 парушэнняў ПДР, да адказнасці прыцягнуты вадзіцель квадрацыкла і 3 пешаходы. У ходзе комплексу мерапрыемстваў па прадухіленні ДТЗ, звязаных з кіраваннем транспартнымі сродкамі вадзіцелямі без правоў альбо ў стане ап’янення, пакарана 7 “бяспраўнікаў” і 3 чалавекі, якія селі за руль нецвярозымі. Адбылося 5 ДТЗ. 23 ліпеня на вул. Iнтэрнацыянальнай асіпаўчанін на “Мерседэсе” не саступіў дарогу мапеду. Вадзіцель апошняга шпіталізаваны.

Дэпартамент аховы

За здзяйсненне дробнага крадзяжу да адміністрацыйнай адказнасці прыцягнута 4 чалавекі, па 1 — за дробнае хуліганства і парушэнне ПДР; пакарана 9 асоб, што з’яўляліся ў грамадскіх месцах у нецвярозым выглядзе і столькі ж — за іншыя правапарушэнні.

IАЖіРС

Складзена 6 адміністрацыйных пратаколаў за парушэнне правілаў лесакарыстання, 1 — рыбалоўства.