РАУС

12 лютага ў бальніцу брыгадай хуткай дапамогі дастаўлены нецвярозы жыхар в. Замошша, каля 19 гадзін траўміраваны на чыгунцы грузавым цягніком “Асіповічы-Магілёў”. На працягу тыдня ў бальніцы апынуліся і збітыя знаёмым і сужыцелем нецвярозыя жанчыны; мужчына, якому сужыцелька нанесла рэзаную рану; падлетак, што здзейсніў спробу суіцыду. Ад асіпаўчан паступілі паведамленні аб крадзяжы магнітолы з аўтамабіля і дзіцячага веласіпеда; з дзяжурнай часці Дэпартамента аховы — аб затрыманні бабруйчаніна, які выкраў з крамы “Дабраном” 46 запальніц коштам 92 руб.

РАСК

Пракуратурай распачата крымінальная справа ў дачыненні да раней судзімага жыхара Пухавіцкага раёна, які 16 студзеня ў двары дома ў в. Майсеевічы пагражаў забойствам і нанёс удар сякерай свайму брату, мясцоваму жыхару.

Мабільны тэлефон і фотаапарат агульным коштам 600 руб. пасля сумеснага распіцця алкаголю выкраў непрацуючы асіпаўчанін.

13 лютага мінчанін, кіруючы грузавіком, на 103 км а/д “Мінск-Гомель” паблізу в. Камарына наехаў на аўтамабіль ДЭУ-73 “Магілёўаўтадар”, які стаяў на праезнай частцы. У выніку ДТЗ вадзіцель і пасажыр грузавіка, а таксама двое рабочых ДЭУ-73, што знаходзіліся на праезнай частцы, атрымалі раненні рознай ступені цяжкасці.

Увага! У мэтах устанаўлення ўсіх абставін гэтага здарэння следчыя звяртаюцца да грамадзян, якія сталі сведкамі ДТЗ, а таксама да тых, хто валодае запісамі відэарэгістратара, з просьбай з 9.00 да 18.00 звярнуцца ў райаддзел Следчага камітэта па тэлефонах  8 (02235) 6-02-66, 6-51-20.

IАЖіРС

Складзены 2 адміністрацыйныя пратаколы за незаконную парубку драўніны.