РАУС

У перыяд з 5 па 11 лютага ў бальніцу дастаўлены 2 жанчыны, збітыя сужыцелямі, і непаўналетні хлопец, які з мэтай суіцыду нанёс сабе нажавыя раненні. Выяўлена цела 24-гадовага самагубцы. Устаноўлена месцазнаходжанне мужчыны, які хаваўся ад накіравання ў лячэбна-працоўны прафілакторый.

РАСК

Раней не судзімы 31-гадовы асіпаўчанін захоўваў пры сабе 1,8 г марыхуаны.

23-гадовы жыхар в. Ягаднае выкраў у краме “Дабраном” бутэльку піва коштам 2,49 руб.

3 крымінальныя справы ўзбуджана па злачынствах у сферы высокіх тэхналогій: у дачыненні да жыхара Слуцка, які з выкарыстаннем мабільнай праграмы выкраў у дзвюх мясцовых пенсіянерак 68 і 100 руб.; да невядомага, што ў верасні атрымаў несанкцыянаваны доступ да старонкі ў сацсетцы асіпаўчанкі і перавёў 99 руб. з яе мабільнага электроннага кашалька; да неўстаноўленай асобы, якая падманным шляхам здзейсніла электронны перавод грошай за мяжу і завалодала 3300 доларамі ЗША, што належалі жыхарцы райцэнтра.

ДАI

Папярэджана 109 парушэнняў ПДР, прыцягнуты да адказнасці п’яны вадзіцель, 51 пешаход і веласіпедыст. Адбылося 10 ДТЗ.

Дэпартамент аховы

Да адміністрацыйнай адказнасці прыцягнуты самагоншчык, 6 чалавек, што з’яўляліся ў грамадскіх месцах у нецвярозым выглядзе, 2 — учынілі дробныя крадзяжы, 6 — іншыя правапарушэнні.

РАНС

8 лютага ад пажару пацярпеў жылы дом па вул. Энгельса; 10-га — полымем знішчана 200 м² даху ў вытворчым памяшканні прыватнага прадпрыемства.

IАЖіРС

Складзена 3 адміністрацыйныя пратаколы за парушэнне правілаў лесакарыстання, па 1 — за незаконнае паляванне і крадзеж драўніны.