РАУС

З 5 па 11 чэрвеня ў ходзе спецыяльнай праграмы “Мак” знішчана 1,2 кг дзікарослых канопляў. Выяўлены 3 трупы без бачных прыкмет гвалтоўнай смерці. Пры правядзенні земляных и сельскагаспадарчых работ у в. Вялікая Гарожа знойдзены снарад і 3 ручныя гранаты, паблізу в. Азярышча — снарад часоў вайны. У бальніцу дастаўлены 68-гадовая вясковая жыхарка і 26-гадовая асіпаўчанка, збітыя нецвярозымі сынам і сужыцелем. Праводзіцца праверка па паведамленнях аб крадзяжы 5 металічных слупоў паблізу СТ “Баравінка”.

РАСК

Нецвярозы непрацуючы грамадзянін 28 мая пашкодзіў 3 бетонныя пліты агароджы прыватнага дома ў райцэнтры.

Раней несудзімы жыхар в. Вяззе захоўваў дома  1,38 г асабліва небяспечнага наркатычнага сродку марыхуаны.

Распачата крымінальная справа ў дачыненні загадчыцы жывёлагадоўчай фермы, якая ў 2015 годзе ўнесла загадзя лжывыя звесткі ў дакументы і склала фіктыўны нарад на здзельную працу. Страты кампенсаваны.

ДАI

Папярэджана 173 парушэнні ПДР, прыцягнуты да адказнасці 2 нецвярозыя вадзіцелі, 20 пешаходаў і веласіпедыстаў, столькі ж парушальнікаў хуткаснага рэжыму. Адбылося 7 ДТЗ.

Увага! Па 22 чэрвеня праводзіцца комплекс наглядных і прафілактычных мерапрыемстваў па папярэджанні ДТЗ з удзелам вадзіцеляў, якія знаходзяцца ў стане ап’янення і не маючых права кіравання транспартным сродкам.

АУСТ

Заведзена крымінальная справа па факце захоўвання асабліва небяспечнага наркатычнага сродку. Устаноўлена месцазнаходжанне асобы ў вышуку, складзена 64 адміністрацыйныя пратаколы, суправоджана 24 цягнікі, з аднаго з якіх зняты правапарушальнік.

РАНС

У выніку пажараў 5 і 10 чэрвеня пашкоджаны балкон кватэры на вул. Абросімава і маёмасць і перакрыцце дома ў в. Майсеевічы Дрычынскага сельсавета.

Увага! У перыяд летніх канікул праходзіць рэспубліканская прафілактычная акцыя “Кані-кулы без дыму і агню”.

IАЖіРС

Распачата крымінальная справа ў дачыненні да асіпаўчаніна, які ў перыяд забароны лоўлі судака здабыў 13 рыбін, чым нанёс шкоду навакольнаму асяроддзю на суму 5382 рублі.

Складзена 5 адміністрацыйных пратаколаў за крадзеж сажалкавай рыбы, па аднаму — за незаконную вывазку драўніны, парушэнне правілаў рыбалоўства і непадпарадкаванне законным патрабаванням супрацоўніка інспекцыі.