РАУС

Выяўлены труп жанчыны без бачных прыкмет гвалтоўнай смерці. 8 сакавіка трое нецвярозых навучэнцаў прафесійна-тэхнічнага каледжа зламалі каля 20 метраў драўлянага плота ля паштовага аддзялення ў Свіслачы. У гэты ж дзень неаднаразова судзімы жыхар в. Дзераўцы спрабаваў здзейсніць крадзеж з аўтамабіляў, што знаходзіліся на стаянцы УКП ЖКГ, і пры затрыманні пагражаў нажом супрацоўнікам міліцыі.

РАСК

Асіпаўчанін, які пазбаўлены права займацца дзейнасцю, звязанай з кіраваннем транспартнымі сродкамі, у нецвярозым стане быў затрыманы за рулём аўтамабіля.

Узбуджаны 2 крымінальныя справы па фактах крадзяжоў з аўтамабіляў і 1 — спробе падобнага.

41 банку мясных кансерваў на суму звыш 107 рублёў спрабаваў скрасці праз незачыненыя дзверы дома ў райцэнтры раней судзімы жыхар Пратасевіч.

Памяшканне для вырошчвання канопляў і 6 скруткаў з марыхуанай агульнай вагой 16,98 г выяўлены ў ходзе санкцыянаванага агляду ў доме раней не судзімага жыхара в. Смык.

ДАI

Папярэджана 90 фактаў парушэння ПДР, да адказнасці прыцягнута 13 пешаходаў, 2 нецвярозыя аўтамабілісты і 7, якія перавышалі дапушчальную хуткасць руху. Адбылося 7 ДТЗ.

Увага! Па 17 сакавіка праходзіць рэспубліканская прафілактычная акцыя “Стань бачным — будзь у бяспецы!”, накіраваная на прафілактыку і папярэджанне дарожна-транспартных здарэнняў з удзелам пешаходаў, папулярызацыю выкарыстання святлоадбіваючых элементаў у цёмны час сутак. Калі заўважылі на праезнай частцы нецвярозага пешахода або веласіпедыста — неадкладна тэлефануйце па 102!

АУСТ

Зарэгістраваны 21 матэрыял аб здарэннях, складзена 56 адміністрацыйных пратаколаў, устаноўлена месцазнаходжанне 8 асоб у вышуку. Суправоджана 40 цягнікоў, з якіх знята 2 правапарушальнікі.

Увага! 15-16 сакавіка праводзіцца СКМ “Вышук”, накіраваны на ўстанаўленне месца знаходжання без вестак зніклых грамадзян, на вышук абвінавачаных, якія схаваліся, а таксама даўжнікоў усіх катэгорый.

IАЖіРС

Складзена 5 адміністрацыйных пратаколаў па фактах парушэння правілаў рыбалоўства.