РАУС

1 сакавіка ў бальніцу дастаўлена жыхарка Пагарэлага, збітая мужам. 4 чысла нарадам, які выехаў на спрацоўку трывожнай сігналізацыі ў дачным доме, затрыманы несудзімы жыхар райцэнтра, які спрабаваў здзейсніць крадзеж.

Увага! У раёне працягваецца рэспубліканская акцыя “Семья без насилия”.

РАСК

Узбуджана крымінальная справа па факце крадзяжу 2 парасят і свінні на сумму 1020 руб. са свінагадоўчай таварнай фермы ў в. Замошша.

АБЭЗ выяўлены факты крадзяжу аўтамабільнага паліва: 300 л на 372 руб. выкраў вадзіцель аднаго з ААТ, трактарыст-машыніст сельгаспрадпрыемства — 389,5 л на 479,08 руб.

ДАI

Папярэджана 106 парушэнняў ПДР, прыцягнуты да адказнасці 21 пешаход і 2 парушальнікі хуткаснага рэжыму. Адбылося 1 ДТЗ.

АУСТ

Узбуджана крымінальная справа па факце рабавання. Складзена 18 матэрыялаў аб здарэннях і 64 адміністрацыйныя пратаколы. Устаноўлена месцазнаходжанне 2 асоб у вышуку. Суправоджана 22 цягнікі, з якіх знята 3 правапарушальнікі. Канфіскаваны 1 л алкаголю.

IАЖіРС

Складзены адміністрацыйныя пратаколы за парушэнне правілаў рыбалоўства і выкідванне смецця ў неналежным месцы. 2 сакавіка невядомая асоба паблізу в. Залессе незаконна здабыла лася вагой каля 350 кг, чым нанесла шкоду на 20700 руб. Заведзена крымінальная справа.