РАУС

У перыяд з 2 па 8 чэрвеня зафіксавана 2 крадзяжы і 18 выпадкаў парушэння антыалкагольнага заканадаўства.

У бытоўцы могілак в. Лапічы скончыў жыццё самазабойствам 47-гадовы непрацуючы мясцовы жыхар.

Затрыманы збегшы ад суда злачынца.

Участковаму інспектару міліцыі для ліквідацыі пагрозы жыццю і здароўю людзей давялося застрэліць агрэсіўнага сабаку з табельнай зброі на вул. Сумчанкі.

Да 1 ліпеня грамадзяне, якія валодаюць зброяй, не маючы на тое дазволу, пры добраахвотнай здачы выслабаняюцца ад адказнасці і маюць права зарэгістраваць яе ў органах унутраных спраў. Магчымасцю легалізаваць такім чынам няўлічаныя паляўнічыя стрэльбы ўжо скарысталіся 4 землякі.

РАСК

Узбуджана 11 крымінальных спраў. У тым ліку па фактах: захавання 4,3 г экстракцыйнага опію; падлогу дакументаў адказнымі асобамі сельгаскааператыва, па якіх вясной мінулага года зламыснікам з касы гаспадаркі было незаконна выплачана каля 6 млн. руб.; сістэматычнага здзеквання 31-гадовага непрацуючага асіпаўчаніна над сваёй 38-гадовай сужыцельніцай.

ДАI

Спынена 178 парушэнняў правілаў руху, прыцягнута да адказнасці 90 парушальнікаў хуткаснага рэжыму і 2 п’яныя вадзіцелі. Адбылося 7 ДТЗ.

Ноччу 8 чысла на шашы Мінск-Гомель неўстаноўлены аўтамабіль збіў дзіка. Пакуль вадзіцель з’язджаў на ўзбочыну, каб ацаніць нанесеныя машыне па-шкоджанні, на тушу жывёлы наехала “Аўдзі А4”. Першая машына вытрымала сутыкненне без адчувальнага ўрону і хутка рушыла далей, а вось другой спатрэбіцца сур’ёзны рамонт. Па словах вадзіцеля “Аўдзі”, ён вельмі позна заўважыў перашкоду на праезнай частцы дарогі.

Увага! З 9 па 15 чэрвеня на тэрыторыі вобласці праводзіцца комплекс мерапрыемстваў па прафілактыцы ДТЗ, якія ўзнікаюць з-за парушэння хуткаснага рэжыму і правілаў абгону.

АУСТ

Складзены 101 адмі-ністрацыйны пратакол. Узбуджана крымінальная справа па факце лжывага паведамлення аб мініраванні аўтамабіля на стаянцы аднаго з вакзалаў у зоне абслугоўвання аддзела транспартнай міліцыі. Зламыснік быў затрыманы ў хуткім часе: стаяў недалёка і сачыў, якую рэакцыю выклікае яго “жарт”.

Дэпартамент аховы

Спынена 4 дробныя крадзяжы, 5 выпадкаў парушэння антыалкагольнага заканадаўства, хуліганства, парушэнне правілаў дарожнага руху.

Спецізалятар

Дастаўлена 25 чалавек, пакінута для працвераджэння 22. У ліку апошніх — сталая жанчына, якая ўпала з веласіпеда і заснула прама пасярод вуліцы. Кабета мела на сабе некалькі досыць дарагіх ювелірных вырабаў, што для наведвальнікаў установы ўвогуле незвычайна.

РАНС

Ноччу 6 чысла згарэлі дом і гаспадарчая пабудова на нежылой сядзібе ў в. Троіцкае.

7 чэрвеня пры пажары 2-кватэрнага дома ў Асіповічах загінуў 39-гадовы мужчына.

Праз дзень у в. Вяззе загарэліся гаспадарчыя пабудовы адной з сядзіб. Дзве з іх былі цалкам знішчаны, адна моцна па-шкоджана.

IАЖіРС

Складзена 4 пратаколы па фактах парушэння правілаў лесанарыхтовак і перавозкі драўніны.