РАУС

Выяўлены 2 трупы без бачных прыкмет гвалтоўнай смерці. Высвятляюцца абставіны нанясення колатай раны раней судзімаму жыхару в. Верайцы, які знаходзіцца пад прэвентыўным наглядам. 24 студзеня ў дваровай пабудове, якая належыць несудзімаму жыхару в. Акцябр, супрацоўнікамі АНіСГЛ знойдзена скрынка з рэчывам расліннага паходжання. У гэты ж дзень паступіла паведамленне аб знікненні   80 м меднага кабелю з тэлефоннай вышкі, размешчанай паблізу в. Ручэй.

РАСК

Узбуджаны 2 крымінальныя справы па фактах крадзяжу маёмасці жанчынамі: адна з іх пасля сумеснага распіцця спіртнога выкрала 300 рублёў у жыхара Малінаўкі, другая, знаходзячыся ў кватэры пенсіянера, скрала мабільны тэлефон гаспадара.

Пры асабістым даглядзе ў работніцы рэстарана, адбываючай пакаранне ў папраўчай установе адкрытага тыпу, канфіскавана 0,8996 г асабліва небяспечнага псіхатропнага рэчыва.

4 вуды коштам 50 рублёў выкралі з дачнага дома паблізу в. Ніччо раней судзімы 20-гадовы грузчык прыватнага прадпрыемства і 3-курснік каледжа.

Заведзена справа ў дачыненні да грамадзяніна, які, знаходзячыся на ўліку ў крымінальна-выканаўчай інспекцыі РАУС, з мэтай ухілення ад прэвентыўнага нагляду 28 кастрычніка 2016 года пакінуў месца жыхарства і пражываў на тэрыторыі Расіі.

У ГЦ “Магніт” невядомы выкраў 220 рублёў з сумкі пенсіянеркі.

Пацярпела ад зладзеяў яшчэ адна жыхарка райцэнтра: з яе кватэры выкрадзены ювелірныя вырабы коштам 380 руб.

ДАI

Папярэджаны 92 факты парушэння правілаў дарожнага руху, да адказнасці прыцягнуты 24 пешаходы і п’яны вадзіцель. Адбылося 8 ДТЗ з механічнымі пашкоджаннямі.

АУСТ

Зарэгістравана 17 здарэнняў, складзены 93 адміністрацыйныя пратаколы, устаноўлена месцазнаходжанне 2 асоб у вышуку, выяўлены 2 факты незаконнага абароту алкагольнай прадукцыі і канфіскавана  1,5 л спіртнога. Суправоджана 56 цягнікоў, з якіх знята 5 правапарушальнікаў.

Дэпартамент аховы

3 чалавекі прыцягнуты да адміністрацыйнай адказнасці за парушэнне правілаў дарожнага руху, 8 — з’яўленне ў нецвярозым выглядзе ў грамадскіх месцах, 3 — здзяйсненне дробнага хуліганства, 6 — за іншыя правапарушэнні.

РАНС

Увага! З 1 лютага з мэтай прадухілення пажараў і гібелі людзей пройдзе рэспубліканская акцыя “Бяспека — у кожны дом!”.

IАЖіРС

Складзены 3 адміністрацыйныя пратаколы за парушэнне правілаў лесакарыстання і 2 — рыбалоўства.