РАУС

18 студзеня ў 2.24 спрацавала сігналізацыя ў магазіне ПГУП “Асмалоўскі”, што знаходзіцца ў в. Забалацце. На месцы здарэння выяўлена, што невядомая асоба пранікла ў яго шляхам выстаўлення жалезных дзвярэй з каробкай.

Раскрыта злачынства, здзейсненае летась у сакавіку. З хуліганскіх меркаванняў, груба парушаючы грамадскі парадак, шляхам тэрмічнага ўздзеяння пашкоджана 59 рэкламных металічных шчытоў з палімернымі ўстаўкамі, якія належалі аднаму з прадпрымальнікаў горада. Страты склалі 236 рублёў.

РАСК

Узбуджана крымінальная справа супраць асобы, якая ноччу 1 студзеня ў аг. Лапічы ў кватэры свабодна скрала мабільны тэлефон коштам 300 рублёў.

33-гадовы асіпаўчанін у той жа дзень каля 14.45 у прадпрымальніка, які трымае гандлёвы павільён па суседстве з магазінам “Міла”, тайна выкраў адзенне з манекенаў на 74 рублі.

Непрацуючы, раней судзімы зямляк, які знаходзіцца на ўліку ў крымінальна-выканаўчай інспекцыі, 13 снежня каля 23.00 у СТ “Меліяратар” у дачным доме пенсіянеркі з Мінска выкраў маёмасць на суму 60 рублёў.

ДАI

Папярэджана 103 факты парушэння правіл дарожнага руху, да адказнасці прыцягнута парушальнікаў хуткаснага рэжыму — 4, пешаходаў — 30, вадзіцеляў, якія выкарыстоўвалі летнія шыны, — 13, не мелі крэслаў для правозу дзяцей — 2, нецвярозых — 1. Адбылося 2 ДТЗ з матэрыяльнымі стратамі.

ДАI паведамляе:  27 студзеня праводзіцца Адзіны дзень бяспекі дарожнага руху “Захоўваючы ПДР, папярэджваем ДТЗ” з мэтай прапаганды захавання правіл дарожнага руху ўсімі ўдзельнікамі.

Дэпартамент аховы

Да адміністрацыйнай адказнасці прыцягнуты 6 асоб, што з’явіліся ў грамадскіх месцах п’янымі, 8 парушальнікаў ПДР, 4 і 3 — за дробныя хуліганства і крадзеж, 1 — самагонаварэнне і 3 — іншыя правапарушэнні.

IАЖіРС

Складзены 2 адміністрацыйныя пратаколы за парушэнне рыбалоўнага заканадаўства, 3 — правіл лесакарыстання.