РАУС

У перыяд з 17 па 23 кастрычніка ў ходзе правядзення спецыяльнага комплекснага мерапрыемства “Арсенал” канфіскавана 3 адзінкі агнястрэльнай зброі, грамадзянамі добраахвотна выдадзена 4 стрэльбы і пісталет, 867 патронаў.

У райбальніцу з пераломам шыйкі сцягна шпіталізава 84-гадовая асіпаўчанка, якую ў ходзе сваркі штурхнуў муж. 18 чысла брыгадай хуткай дапамогі ў ЦРБ дастаўлены двое мужчын з тэрмічнымі апёкамі, якія атрымалі ў выніку выбуху бензінавай паяльнай лямпы, што ўжывалася пры рамонце даху. З траўмамі і тэрмічнымі апёкамі ў райбальніцу паступіла і жыхарка Лапіч, якой падчас сумеснага распіцця спіртнога прычыніў пашкоджанні раней судзімы сын. Уладальнік “Опеля” паведаміў, што ў ноч на 23 кастрычніка нявызначаная асоба парэзала 4 шыны яго аўтамабіля, што стаяў у двары дома па вул. Крыловіча. Праводзіцца праверка па паведамленні жыхара в. Цяплухі аб тым, што з адрыны выкрадзена 78 кг медзі.

РАСК

Маёмасць на суму звыш 1600 рублёў выкрадзена невядомай асобай з двух гаражоў кааператыва “Чыгуначнік”, што знаходзіцца на вул. Патоцкага.

Пракуратурай раёна ўзбуджана крымінальная справа ў дачыненні непрацуючага раней судзімага жыхара райцэнтра, які 3 верасня збіў і двойчы прыпёк прасам сужыцельку.

ДАI

Папярэджана 148 парушэнняў ПДР, прыцягнуты да адказнасці 6 нецвярозых вадзіцеляў, 21 парушальнік хуткаснага рэжыму, 34 пешаходы. Адбылося 2 ДТЗ з матэрыяльным уронам.

Увага! Па 28 кастрычніка працягваецца правядзенне прафілактычных мерапрыемстваў па папярэджанні ДТЗ з удзелам пешаходаў, па 30 кастрычніка — па кантролі за практычным навучаннем ваджэнню “Вучэбны аўтамабіль”.

АУСТ

Складзены 82 адміністрацыйныя пратаколы і 16 матэрыялаў аб здарэннях, канфіскавана 20 літраў спіртаўтрымліваючай вадкасці, устаноўлена месцазнаходжанне 2 асоб, што знаходзіліся ў вышуку. Суправоджана 64 цягнікі, з якіх знята 12 правапарушальнікаў.

Дэпартамент аховы

8 чалавек прыцягнуты да адміністрацыйнай адказнасці за з’яўленне ў грамадскіх месцах ў нецвярозым выглядзе, 7 — за парушэнне правілаў дарожнага руху, 3 — за здзяйсненне дробнага крадзяжу.

IАЖіРС

Складзена 2 пратаколы за крадзеж сажалкавай рыбы, у РАУС перададзены матэрыялы па факце незаконнай парубкі драўніны.