РАУС

Падчас правядзення спецыяльнай праграмы “Мак” знішчана 2 кг канопляў. Выяўлена тры трупы, адзін з якіх — самазабойцы. Устаноўлена асоба чалавека, які 5 жніўня выкраў матацыкл: злачынства здзейсніў 17-гадовы жыхар аг. Вяззе.

РАСК

Раней судзімы пенсіянер, жыхар в. Малая Гарожа, будучы пазбаўленым права займацца дзейнасцю, звязанай з кіраваннем транспартнымі сродкамі, быў затрыманы супрацоўнікамі ДАI за рулём аўтамабіля.

Распачата крымінальная справа супраць непрацуючага мужчыны, які пагражаў забойствам уласнай маці.

ДАI

Папярэджаны 91 факт парушэння ПДР, да адказнасці прыцягнута 5 нецвярозых вадзіцеляў, 12 парушальнікаў хуткаснага рэжыму, 17 пешаходаў. Адбылося 7 дарожна-транспартных здарэнняў, у двух з іх пацярпелі людзі.

23 жніўня ў 21.15 непрацуючы мужчына паблізу прыпыначнага пункта Ясень выехаў на самаробным трактары на неабсталяваны шлагбаўмам чыгуначны пераезд у момант уключэння святлогукавой сігналізацыі і сутыкнуўся з цягнікамі “Мінск-Гомель” і “Гомель-Гродна”. Вадзіцель і пасажырка шпіталізаваны з траўмамі рознай ступені цяжкасці.

26 жніўня ў 21.10 недалёка ад в. Паплавы асіпаўчанін, кіруючы аўтамабілем “Фіат”, наехаў на веласіпедыстку, якая знаходзілася ў нецвярозым стане. Жанчына шпіталізавана.

АУСТ

Устаноўлена месцазнаходжанне 3 грамадзян, якія былі ў вышуку. Узбу-джана 2 крымінальныя справы, зарэгістравана 20 матэрыялаў аб здарэннях, складзена 130 адміністрацыйных пратаколаў. Суправоджана 353 цягнікі, з іх знята 58 правапарушальнікаў.

Дэпартамент аховы

Узбуджана крымінальная справа. Да адміністрацыйнай адказнасці за з’яўленне ў грамадскіх месцах у нецвярозым вы-глядзе прыцягнута 8, за дробны крадзеж — 3 чалавекі, і 11 тых, хто парушыў правілы дарожнага руху.

Спецізалятар

Размешчана 43 чалавекі, з іх 1 жанчына і 5 сямейных скандалістаў.

РАНС

28 жніўня каля чатырох гадзін раніцы адбыўся пажар у прыватным доме па ўездзе Крупскай. Пашкоджаны дах і маёмасць, закураны сцены дома.

Увага! Па 23 верасня працягваецца рэспубліканская прафілактычная акцыя “У цэнтры ўвагі — дзеці!”, накіраваная на папярэджанне траўматызму і гібелі дзяцей ад пажараў з-за пакідання без нагляду.

IАЖіРС

3 адміністрацыйныя пратаколы складзена за незаконнае паляванне, па адным — па фактах парушэння правілаў лесакарыстання, парубку, непадпарадкаванне законным патрабаванням супрацоўніка інспекцыі.