РАУС

У перыяд з 4 па 10 лістапада ўзбуджана 9 крымінальных спраў, здзейснены 3 крадзяжы, знойдзены труп без прыкмет гвалтоўнай смерці, канфіскавана 8 літраў спіртаўтрымліваючай вадкасці, спынены вышук 3 чалавек. У дваіх выяўлена здробненае рэчыва расліннага паходжання.

Узбуджана крымінальная справа па крадзяжу двух акумулятараў  коштам каля 2,7 млн. рублёў з аўтамашын ГАЗ-3309, якія належаць рыбгасу “Свіслач”.

Узбуджаны крымінальныя справы ў адносінах да невядомай асобы, якая 9 лістапада каля 20.20 на вул. Iнтэрнацыянальнай адкрыта скрала ў пенсіянеркі сумку з паўмільёнам рублёў і трыма банкаўскімі карткамі, а таксама да 24-гадовай жыхаркі в. Углата, якая выкрала ў пенсіянера-аднавяскоўца 600 тыс. рублёў.

4 лістапада 46-гадовы жыхар Пухавіцкага раёна з выкарыстаннем незарэгістраванага паляўнічага ружжа здабыў у Цэльскім лясніцтве самку лася, падстрэліўшы яе дзвюма кулямі. Нанесена шкода больш чым на 12 млн. рублёў. У адносінах да паляўнічага ўзбуджана крымінальная справа.

З 11 па 19 лістапада з мэтай актывізацыі прафілактычнай работы з грамадзянамі, якія маюць судзімасць, праводзяцца комплексныя мерапрыемствы “Нагляд”.

ДАI

Спынена 192 парушэнні правіл руху. Прыцягнута да адказнасці 55 парушальнікаў хуткаснага рэжыму, 42 пешаходы, 4 п’яныя вадзіцелі. Адбылося 3 ДТЗ.

З 11 па 21 лістапада праводзяцца прафілактычныя мерапрыемствы “Таксі”.

АУСТ

Прыцягнута да адказнасці 63 чалавекі, трое з якіх парушалі парадак у цягніках. Выяўлены грамадзянін, які знаходзіўся ў вышуку. У медвыцвярэзнік накіравана чацвёра. Узбуджаны 2 крымінальныя справы.

5 лістапада на перагоне Бабруйск-Бярэзіна на 345 км смяротна траўміраваны мужчына.

Дэпартамент аховы

Спынена 10 правапарушэнняў: крадзяжоў і распіцця спіртных напояў — па 3, парушэнняў ПДР — 4.

РАНС

8 лістапада ў 19.30 на пульт паступіла паведамленне аб задымленні кватэры па вул. Сташкевіча. Як аказалася, гаспадароў не было дома. У выніку пажару пашкоджана маёмасць, яго прычыны вы-святляюцца.

IАЖіРС

Выяўлена 6 зламыснікаў: 4 парушылі правілы рыбалоўства, 1 — правілы палявання, яшчэ адзін выкраў 20 кг сажалкавай рыбы.