РАУС
У перыяд з 14 па 20 кастрычніка ўзбуджана 6 крымінальных спраў, здзейснены 3 крадзяжы, знойдзены 2 трупы, канфіскаваны 81 літр спіртаўтрымліваючай вадкасці. Затрымана 3 чалавекі, якія знаходзіліся ў вышуку.
15 кастрычніка з рэзанай ранай жывата ў стане алкагольнага ап’янення ў райбальніцу дастаўлены 21-гадовы асіпаўчанін. Нажавое раненне яму нанёс гаспадар дома па вул. Беларускай, з якім малады чалавек распіваў спіртныя напоі.
19 чысла ўзбуджана крымінальная справа ў адносінах да двух грамадзян, якія ў прыватнага прадпрымальніка скралі некалькі мабільных тэлефонаў.
ДАI
Спынена 160 парушэнняў правіл руху. Прыцягнута да адказнасці 5 п’яных вадзіцеляў, 21 — за перавышэнне хуткасці, 40 пешаходаў, 9 з якіх знаходзіліся ў стане алкагольнага ап’янення. Здзейснена 13 ДТЗ, у тым ліку два з пацярпелымі.
17 чысла на вул. Сумчанкі вадзіцель “Аудзі-80”, выязджаючы на праезную частку, здзейсніў наезд на веласіпедыста і прычыніў яму цялесныя пашкоджанні.
З 18 па 30 кастрычніка праводзіцца аперацыя “Пешаход”; з 21 па 30 — рэспубліканская акцыя “Стань прыкметным у цемры”. Да ведама, сёлета ў вобласці здзейснена 145 ДТЗ з наездам на людзей. 122 чалавекі атрымалі траўмы рознай ступені цяжкасці, 27 загінула, прычым 22 — у цёмны час сутак. У 12 выпадках яны былі не абазначаны святлоадбіваючымі элементамі. У нашым раёне адбылося 10 падобных ДТЗ з 9 пацярпелымі пешаходамі, 2 з якіх загінула, 4 атрымалі цялесныя пашкоджанні.
25 кастрычніка — Адзіны дзень бяспекі дарожнага руху “Рыхтуем транспарт да зімы”.
АУСТ
Прыцягнута да адказнасці 57 правапарушальнікаў. Суправоджана 44 цягнікі. Затрымана 9 чалавек, якія знаходзіліся ў вышуку, 7 — у перыяд рэспубліканскай акцыі “Пошук”.
На прыпыначным пункце “Дачнае” пад цягнік “Штадлер” трапіў лось. Затрымкі руху не было. Тэхнічныя пашкоджанні лакаматыва нязначныя.
Дэпартамент аховы
Спынена 20 правапарушэнняў: крадзяжоў — 4, выпадкаў парушэння антыалкагольнага заканадаўства — 7, парушэнняў ПДР — 9.
РАНС
15 кастрычніка каля трох гадзін ночы ў райаддзел паступіла паведамленне пра пажар у в. Ліпень. Па прыбыцці падраздзяленняў на месца здарэнняў выявілася, што гарэлі два дамы, у адным з іх перакрыццё і дах ужо абваліліся, у другім полымем быў ахоплены толькі дах. Папярэдняя прычына пажару — падпал у выніку сямейнай спрэчкі.
IАЖіРС
Складзена 9 адміністрацыйных пратаколаў, у тым ліку 4 — за парушэнне правіл рыбалоўства, 3 — лесакарыстання. Канфіс-кавана 120 кілаграмаў сажалкавай рыбы.