РАУС
У перыяд з 23 па 29 верасня зарэгістравана па 1 крадзяжу і выпадку нанясення цялесных пашкоджанняў, 3 факты парушэння антыалкагольнага заканадаўства. Раскрыты 2 раней здзейсненыя крадзяжы, вызначана месцазнаходжанне дзвюх асоб, якія ўхіляліся ад выплаты запазычанасці ў дзяржбюджэт.
29 чысла ў ЦРБ была дастаўлена 46-гадовая непрацуючая жанчына. Як стала вядома, шматлікія траўмы галавы і цела ёй нанёс сужыцель пасля сумеснага распіцця алкагольных напояў.
Увага! У перыяд з 30 верасня па 4 кастрычніка на тэрыторыі Асіповіцкага раёна праводзіцца чарговая аперацыя «Арсенал». Асаблівая ўвага будзе звяртацца на выкананне гаспадарамі паляўнічай зброі правілаў яе захавання і перарэгістрацыі.
Дадатковую інфармацыю можна атрымаць па тэл. 23-9-79, 24-2-70.
РАСК
Прынята рашэнне не ўзбуджаць крымінальную справу ў адносінах да 84-гадовага селяніна, які добраахвотна здаў супрацоўнікам міліцыі 805 грамаў марыхуаны.
АДАI
Спынена 214 парушэнняў правілаў руху, прыцягнуты да адказнасці 4 п’яныя вадзіцелі, 63 парушальнікі хуткаснага рэжыму, 23 пешаходы, якія не мелі святлоадбіваючых элементаў на адзенні. Адбылося 5 нязначных ДТЗ.
АДАI нагадвае, што з 25 верасня па 6 кастрычніка праводзіцца комплекснае прафілактычнае мерапрыемства па прафілактыцы ДТЗ з неабароненымі ўдзельнікамі дарожнага руху: пешаходамі, веласіпедыстамі, вознікамі гужавога транспарту.
Галоўная мэта мерапрыемства — прапаганда выкарыстання флікераў. Як сведчыць статыстыка, толькі ў бягучым годзе гэтая «драбязь» магла б пазбавіць матэрыяльных страт (штрафаў) больш сотні землякоў, а пры-блізна дзясятку выратавала б жыццё альбо захавала б здароўе.
АУСТ
Складзена 55 адмініс-трацыйных пратаколаў, у тым ліку на 6 неадэкватных пасажыраў, якія былі ссаджаны з цягнікоў.
Канфіскавана 13 пачкаў кантрабандных цыгарэт і 20 літраў спірту. За-трыманы злачынца, які знаходзіўся ў вышуку.
РАНС
30 чысла каля 1 гадзіны ночы загарэўся аўтамабіль ВАЗ-2105, прыпаркаваны на вуліцы Сташкевіча. Прычына ўзгарання выяўляецца.