РАУС

Тройчы за тыдзень землякі для высвятлення адносін выкарыстоўвалі нож: 15 лютага ў прыёмны пакой ЦРБ з колата-рэзанай ранай шчакі быў дастаўлены непаўналетні, а на наступны дзень з ранамі бядра, перадплечча і грудной клеткі яшчэ двое жыхароў раёна.

11 лютага на аўтадарозе Мінск-Гомель у ходзе сумеснай аперацыі затрыманы аўтамабіль, які перавозіў адзенне замежнай вытворчасці без адпаведных дакументаў на суму звыш 64 млн. руб. 14 чысла за такое ж парушэнне канфіскавана керамічная плітка амаль на 25 млн. руб. у жыхара сталіцы.

13 лютага ў сваім доме без прыкмет гвалтоўнай смерці знойдзены труп 48-гадовага ялізаўчаніна.

РАСК

З 10 па 16 лютага ўзбуджана 12 крымінальных спраў, з якіх 9 — за крадзеж. Нярэдка аб’ектамі для нажывы становяцца дачныя дамы. Так, у Карытным раней былі ўкрадзены прадукты харчавання больш як на 2 млн. рублёў, у Тарасавічах — люстра і лом чорнага металу, Ясені — СВЧ-печ, магнітафон, медны кабель і металічныя бідоны.

АДАI

Спынена 181 парушэнне правілаў руху, прыцягнута да адказнасці 27 парушальнікаў хуткаснага рэжыму, 2 п’яныя вадзіцелі і 19 пешаходаў без флікераў. Адбылося 4 ДТЗ.

Ваенізаваная ахова на ст. Асіповічы

Увечары 16 лютага на чыгуначным пераездзе перагону Асіповічы-1 — Асіповічы-2, нягледзячы на прымяненне экстраннага тармажэння, смяротна траўміраваны цягніком 38-гадовы жыхар в. Замошша.

Грамадзяне! Захоўвайце меры бяспекі на чыгунцы, пераходзьце чыгуначнае палатно ва ўстаноўленых месцах!

РАНС

Зарэгістраваны 3 пажары. 10 чысла гарэла лазня ў в. Ручэй, 16 — жылыя дамы ў Асіповічах і Верайцах. У апошнім здарэнні загінуў гаспадар. Прычыны пажараў устанаўліваюцца.